સવા માસ પૂર્વે રૂખડિયાપરા વિસ્તારમાં રહેતા ફરીદાબેનના મકાન પર માજીદ અને તેના સાગરીતોએ સોડા બોટલોના ઘા કર્યા હતા જેની જાણ થતાં પ્ર.નગર પોલીસની ટીમ અહીં પહોંચી હતી આ સમયે કોન્સ્ટેબલ રિયાઝભાઈ સહિત બે પોલીસમેન સ્લમ ક્વાર્ટરમાં માજીદને પકડવા માટે ગયા હતા ત્યારે અહીં માજીદ તથા તેના સાગરીતોએ કોન્સ્ટેબલ સાથે મારકૂટ કરી તેમના વાહનોમાં તોડફોડ કરી તેમને અહીંથી ભગાડી મૂક્યા હતા.

હુમલાની આ ઘટના બાદ માજીદના સાગરીતો ઝડપાઈ ગયા હતા. પરંતુ કુખ્યાત માજીદ પોલીસને હાથ લાગ્યો ન હતો એક વખત પ્ર.નગર ની ટીમ તેને પકડવા પહોંચી ત્યારે ફરી એકવાર તેના પર હુમલો કર્યો હતો દરમિયાન એસ.ઓ.જી પી.આઈ એસ.એમ.જાડેજાને માજીદ હાલ જંગલેશ્વરમાં હોવાની માહિતી મળતા પીઆઇની રાહબરી હેઠળ પીએસઆઇ એન.વી. હરિયાણી તથા ટીમે અહીં પહોંચી કુખ્યાત આરોપી માજીદ રફીકભાઈ ભાણુંને ઝડપી લીધો હતો.

આરોપીને ભીસ્તીવાડમાં લઈ જઈ અહીં તેની પાસે ઉઠક બેઠક કરાવી જાહેરમાં માફી મંગાવી હતી. બાદમાં પ્ર.નગર પોલીસને સોંપી દેવાયો હતો. માજીદ સામે ગુજસીટોક પણ થઈ હોય આ ઘટના બાદ તે અમરેલી ભાગી ગયો હતો અને મોબાઈલ પણ સ્વીચ ઓફ કરી દીધો હતો. ચાર દિવસ પહેલા જંગલેશ્વર આવતા પોલીસે તેને ઝડપી લીધો હતો.ગુજસીટોકમાં આરોપી જામીન પર હોય તેની જામીન અરજી રદ કરવા પણ કાર્યવાહી કરાશે.