મૂળ અમરેલી જિલ્લાના વતની અને હાલ રાજકોટ મોરબી હાઈવે પર શનાળા ગામે સી.એન.જી. પેટ્રોલપંપ પાસે રહેતા મંગુબેન કાળુભાઇ વાઘેલા (ઉ.વ.૪૦) એ આરોપી સાગરભાઈ બહાદુરભાઈ માથાહુડીયા તથા નાગજીભાઈ બહાદુરભાઈ માથાહુડીયા અને વિજય કોળી રહે. ત્રણે આમ્રપાલી ફાટક રાજકોટવાળા વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવી છે કે ગત તા.૧૮-૦૩-૨૦૨૪ ના રોજ રાત્રીના આશરે સાડા અગીયારેક વાગ્યે ફરીયાદી તેની દિકરીને તેના સાસરેથી ઘરે તેડી લાવતાં આરોપી સાગરભાઇ (જમાઇ)ને સારૂ નહી લાગતા ફરીયાદીના ઘર પાસે જઇ આરોપી સાગરભાઈએ ફરીયાદીને ગાળો આપી માથાના ભાગે લોખંડનો પાઇપ મારી ઇજા કરી તથા આરોપી નાગજીભાઈ તથા વિજયએ ફરીયાદીને શરીરે ઢીકાપાટુનો મુઢમાર મારી મુંઢ ઇજા પહોંચાડી હતી જેથી ભોગ બનનાર મંગુબેને આરોપીઓ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા  ફરીયાદના આધારે આરોપીઓ વિરુદ્ધ આઇપીસી કલમ -૩૨૩,૩૨૪, ૫૦૪,૧૧૪ તથા જી.પી. એક્ટ કલમ -૧૩૫ મુજબ ગુનો નોંધી કાયદેસરની કાર્યવાહી હાથ ધરી છે.

મોરબીમાં કારનો દરવાજો ખોલતા મોટર બાઈકસવાર પિતા-પુત્રીને ઈજા

મોરબી રવાપર ચોકડીથી બાપા સીતારામ ચોક તરફ જતા રોડ પર સ્કોર્પિયો કાર ના ચાલકે રોડ પર ટ્રાફિકને અડચણ થાય તે રીતે ઉભી રાખી અચાનક દરવાજો ખોલતા મોટર સાઈકલ પર આવતા પિતા પુત્રી અથડાતા ગંભીર ઈજા પહોચી હતી જે મામલે મોરબી એ ડીવીઝન પોલીસે ફરિયાદ નોંધી વધુ તપાસ હાથ ધરી છે.મોરબીની નવજીવન સ્કુલ પાછળ રહેતા હર્ષાબેન રમેશભાઈ કલોલા એ મોરબી એ ડીવીઝન પોલીસમાં ફરિયાદ નોધાવી છે કે તેના પતિ રમેશભાઈ અને દીકરી ધ્રુવી મોટર સાઈકલ પર જતા હોય દરમિયાન મોરબીની રવાપર ચોકડીથી બાપા સીતારામ ચોક તરફ જતા રોડ પર પહોચતા આગળ જતી મહિન્દ્રા કપનીની કાળા કલરની કાર જીજે ૩૬ એએલ ૯૩૩૦ ના ચાલકે જાહેર રોડ પર ટ્રાફિકને અડચણ થાય તે રીતે ઉભી રાખી અચાનક ગાડીનો દરવાજો ખોલતા રમેશભાઈ અને તેની દીકરી ધ્રુવી મોટર સાઈકલ લઈને જતા હોય જે મોટર સાઈકલ દરવાજા સાથે અથડાતા રમેશભાઈને ગંભીર ઈજા પહોચી હતી અતો ધ્રુવીને પણ માથામાં અને શરીરે ઈજા પહોચી હતી તેમજ કાર નો ચાલક કાર લઈને નાશી ગયો હોવાની ફરિયાદ નોંધાવી છે.