શહેરમાં રહેતી એક યુવતીને તેના જ પ્રેમીએ લગ્નની લાલચ આપી દુષ્કર્મ કરી, દોઢ માસનો ગર્ભ રાખી દઈ, લગ્ન કરવાની ના પાડી, યુવતીને મારમારતા યુવતીએ તેના પ્રેમી વિરૂદ્ધ ઘોઘારોડ પોલીસ મથકમાં દુષ્કર્મની ફરિયાદ નોંધાવતા પોલીસે તપાસ હાથ ધરી હતી.
૨૨ વર્ષિય યુવતીને આનંદનગરના ગુણાતીતનગરમાં રહેતા વિશાલ રમેશભાઈ વાજાએ યુવતીને લગ્નની લાલચ આપી, વિશ્વાસમાં લીધી હતી અને ત્યાર બાદ છેલ્લા ચાર માસથી યુવતીને સાથે રાખી, અવાર નવાર દુષ્કર્મ આચર્યું હતું અને તે સમય દરમિયાન બાવીસ વર્ષીય યુવતીને દોઢ માસનો ગર્ભ પણ રાખી દિધો હતો. જે બાદ યુવતીના પ્રેમીએ લગ્ન કરવાની ના પાડી, યુવતીને ગંભીર મારમાર્યો હતો અને યુવતી સાથે બળજબરી કરી ગર્ભપાતની દવા ખવરાવી દેતા યુવતીને સારવાર માટે હોસ્પિટલ ખસેડાઈ હતી જ્યાં યુવતીએ તેના પ્રેમી વિશાલ રમેશભાઇ વાજા વિરૂદ્ધ ઘોઘારોડ પોલીસ મથકમાં ફરિયાદ નોંધાવતા તપાસ હાથ ધરી હતી.