ફિલ્મ નિર્માતા ઈમ્તિયાઝ અલીએ તેમની સુપરહિટ ફિલ્મો 'જબ વી મેટ' અને 'લવ આજ કલ'ની સિક્વલ બનાવવા અંગે પોતાનો મત વ્યક્ત કર્યો છે.જાણીને નવાઈ લાગશે અને ફેન્સ ખુશ થશે કે 'લવ આજ કલ 3'ની સિકવલ પણ આવી શકે છે. 

ફિલ્મ 'જબ વી મેટ' 17 વર્ષ પહેલા રિલીઝ થઈ હતી. આ હજુ પણ ચાહકોની મનપસંદ ફિલ્મોમાંની એક છે ફિલ્મ નિર્માતા ઈમ્તિયાઝ અલીએ આ અંગે મોટો સંકેત આપ્યો છે. દીપિકા પાદુકોણ અને સૈફ અલી ખાન સ્ટારર 'લવ આજ કલ 3' વિશે પણ ખુલાસો કર્યો.આ ફિલ્મોની સિક્વલના વિચાર અંગે ઇમ્તિયાઝ અલીએ કહ્યું કે તે આવનારા સમયમાં તેના પર કામ કરી શકે છે. મને ખબર નથી કે સિક્વલ બનાવવી જોઈએ કે નહીં. પરંતુ હું ક્યારેય ના કહેતો નથી, જોકે અત્યારે કોઈ યોજના નથી. ચાલો જોઈએ શું થાય છે. મારી પાસે ત્રણ સ્ક્રિપ્ટો છે જે બનાવવા માટે હું ખૂબ જ આતુર છું.

'જબ વી મેટ' 2007માં રિલીઝ થઈ હતી

ફિલ્મ 'જબ વી મેટ' વર્ષ 2007માં રિલીઝ થઈ હતી અને તે ઈમ્તિયાઝની કારકિર્દીની શ્રેષ્ઠ ફિલ્મોમાંથી એક છે. આમાં શાહિદ કપૂર અને કરીના કપૂર લીડ રોલમાં હતા. તે બોક્સ ઓફિસ પર સુપરહિટ રહી હતી. ફિલ્મના ગીતો આજે પણ ફેમસ છે.

મને દીપિકા અને સૈફની કેમેસ્ટ્રી ગમી.

'લવ આજ કલ'ની વાત કરીએ તો દીપિકા પાદુકોણ અને સૈફ અલી ખાને પોતાના જબરદસ્ત અભિનયથી બધાનું દિલ જીતી લીધું હતું. 2009માં રિલીઝ થયેલી આ ફિલ્મની સિક્વલ વર્ષ 2020માં બની હતી, જેમાં સારા અલી ખાન અને કાર્તિક આર્યન જોવા મળ્યા હતા.