ખંભાળિયા: દસ વર્ષ પૂર્વેના લાંચ-રીશ્વત કેસમાં આરોપીને ચાર વર્ષની સખત કેદ તથા દંડ

May 10, 2025 01:09 PM

ખંભાળિયામાં રહેતા એક આસામીએ પોતાના મકાનના બાંધકામને રેગ્યુલરાઈઝ કરવા માટે વર્ષ ૨૦૧૫ના સમયગાળા દરમિયાન અહીંની ખંભાળિયા વિસ્તાર વિકાસ સત્તા મંડળ (ખાડા)ની કચેરીમાં અરજી કરી હતી. ખાડાની કચેરીમાં ફરજ બજાવતા ધર્મેન્દ્ર જેઠાલાલ સોલંકીએ ફરિયાદી યુવાન પાસે બાંધકામ રેગ્યુલાઇઝ કરવા માટે રૂપિયા ૧૨ હજારની લાંચની રકમની માંગણી કરી હતી.

જે સામે ફરિયાદીએ આ અંગે જામનગર એ.સી.બી. વિભાગમાં ફરિયાદ કરી હતી. જેના અનુસંધાને જે-તે સમયે પી.આઈ. હિમાંશુ દોશીએ લાંચનું છટકું ગોઠવીને આરોપી ધર્મેન્દ્ર જેઠાલાલ સોલંકીને લાંચની રકમ સ્વીકારતા રંગે હાથ ઝડપી લીધા હતા.

આ અંગેનો કેસ ખંભાળિયાની નામદાર પ્રિન્સિપાલ સેશન્સ અદાલતમાં ચાલી જતા આ કેસમાં સરકાર તરફે એડવોકેટ કમલેશભાઈ સી. દવેએ કરેલી દલીલોને ધ્યાનમાં લઈને સેશન્સ જજ એસ.વી. વ્યાસએ આરોપી ધર્મેન્દ્ર જેઠાલાલ સોલંકીને ચાર વર્ષની સખત કેદ તથા રૂપિયા ૧૦,૦૦૦ નો દંડ ફટકારતો હુકમ કર્યો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

ખંભાળિયા: દસ વર્ષ પૂર્વેના લાંચ-રીશ્વત કેસમાં આરોપીને ચાર વર્ષની સખત કેદ તથા દંડ

Recent News

Gujarat's No. 1 evening newspaper