ગાંધીનગર ખાતે રાજયના પોલીસવડા વિકાસ સહાયના હસ્તે સન્માનીત કરાયા : દ્વારકાના ડીવાયએસપી સમીર શારડાને પણ પદક અને પ્રશંસાપત્ર

જામનગર જીલ્લા પોલીસવડા પ્રેમસુખ ડેલુએ પોતાની ફરજ દરમ્યાન કુખ્યાત અસામાજીક તત્વો, જમીન ઉપર ગેરકાયદે કબ્જો કરનારા વિરુઘ્ધ કડક પગલા લઇને ગુના દાખલ કરાવી તેમજ અસામાજીક તત્વોનો ત્રાસ દુર કરી સામાન્ય નાગરીક અને પોલીસ વચ્ચે સમન્વય સાધી પોલીસ પ્રજાનો મિત્ર છે તે સંદેશ સમાજમાં ફેલાવીને ફરજ દરમ્યાન ઉત્કૃષ્ટ અને સરાહનીય સેવાઓ બદલ તાજેતરમાં જ જાંબાઝ એસપી પ્રેમસુખ ડેલુને ડીજીપી કમેન્ડેશન સિલ્વર ડીસ્ક-૨૦૨૨ એવોર્ડથી સન્માનીત કરવાની જાહેરાત કરાઇ હતી.
દરમ્યાનમાં ગઇકાલે ગાંધીનગર ખાતે જામનગર જીલ્લા પોલીસ અધિક્ષક પ્રેમસુખ ડેલુની વર્ષ ૨૦૨૨માં સરાહનીય કામગીરીને ઘ્યાને લઇને સન્માનીતનો કાર્યક્રમ યોજાયો હતો, રાજયના પોલીસવડા વિકાસ સહાયના હસ્તે ડીજી સિલ્વર ડીસ્ક પદક અને પ્રશંસાપાત્ર એનાયત કરવામાં આવ્યા હતા.
આ ઉપરાંત દેવભુમી દ્વારકા જીલ્લાના ડીવાયએસપી સમીર શારડાએ પણ ડીમોલીશન, લોકડાઉન, દ્વારકાધીશ મંદીર સુરક્ષા કામગીરી, પીએમ દ્વારકા પ્રવાસ દરમ્યાન એસપીજીએ કરેલી કામગીરીની પ્રશંસાની નોંધ, વાવાઝોડા, ગૃહમંત્રી હર્ષ સંઘવી સાથે સતત સેવા કાર્યરત રહીને લોકોની પ્રશંસા પ્રાપ્ત કરી હતી, આમ ફરજ દરમ્યાન ડીવાયએસપી સમીર શારડાની ઉત્કૃષ્ટ સેવા બદલ ગઇકાલે રાજયના પોલીસવડા વિકાસ સહાયના હસ્તે ડીજી સિલ્વર ડીસ્ક પદક અને પ્રશંસાપત્ર એનાયત કરવામાં આવ્યા હતા. અત્રે ઉલ્લેખનીય છે કે ડીજીપી કમેન્ડેશન ડીસ્ક-૨૦૨૨ માટે રાજયના કુલ ૧૧૦ પોલીસ અધિકારીઓ, કર્મચારીઓની પસંદગી કરવામાં આવી હતી.