સરકારી હોળી સહિત શહેરભરમાં વિવિધ સ્થળોએ હોલિકા દહન

યાત્રાધામ દ્વારકા શહેરમાં ગુરૂવારે ઠેરઠેર હોલિકા દહન યોજાયું હતુ. હોળી પ્રગટાવવાના સંધ્યા સમયની પરંપરા અનુસાર ગોમતી ઘાટે સરકારી હોળી તેમજ હોળી ચોકમાં સૌપ્રથમ હોલીકા પ્રજવલિત કયર્િ બાદ શહેરના અલગ અલગ ચોકમાં હોલીકાની વિશાળ પ્રતિમાઓ સાથેની હોળીમાં અગ્નિ લઈ જવાઈ હોલીકા દહન યોજાયું. દ્વારકામાં યોજાયેલ સરકારી હોળીમાં જિલ્લા પોલીસ વડા નિતેશ પાંડેયે તથા દ્વારકાધીશ મંદિરના પુજારી વૈભવભાઇ સહિતના પુજનવિધિમાં જોડાયા હતા.

શહેરમાં હોળી ચોક, મંદિર ચોક, પૂર્વ દરવાજા, માર્કેટ ચોક, સિધ્ધનાથ ચોક, ટીવી સ્ટેશન, બીરલા કોલોની, જલારામ મંદિર ચોક, ભથાણ ચોક સહિતના વિવિધ વિસ્તારોમાં હોલીકા દહન કરવામાં આવ્યું હતું. હોલિકા દહનને બુરાઈ પર અચ્છાઈની જીતના પ્રતિક રૂપે માનવામાં આવે છે અને હોલિકા દહનથી ઘરમાં સકારાત્મક ઊર્જા પ્રવેશે છે.આ ઉપરાંત સુખ-સમૃદ્ધિમાં વધારો થાય છે.

લોકો હોલિકાની અગ્નિની પરિક્રમા કરી તેમાં નાળિયેર, ઘઉં અને અન્ય સામગ્રી અર્પણ કરે છે. આનાથી પરિવારની સુરક્ષા થાય છે એવી માન્યતા છે. હોલિકાની અગ્નિમાંથી ઉત્પન્ન થતી ઊર્જા પયર્વિરણને શુદ્ધ કરે છે. આ શુદ્ધિકરણ અનેક રોગોથી રક્ષણ આપવામાં મદદરૂપ થાય છે.