ત્રણ દિવસ સુધી આકાશમાંથી અંગારા વરસશે તેવી હવામાન ખાતાની આગાહી: બપોરે ગરમી અને રાત્રે તથા સવારે ઠંડીનું વાતાવરણ

જામનગર સહિત સમગ્ર હાલારમાં આજથી ગરમી વધશે તેવી હવામાન ખાતાએ આગાહી કરી છે, ત્રણ દિવસ સુધી ગરમી રહેશે, રાત્રે અને સવારે ઠંડીનું વાતાવરણ જોવા મળશે, હવામાન ખાતાની આગાહીથી લોકોમાં ફરી ચીંતાનું વાતાવરણ થયું છે. ગામડાઓમાં પણ આકરો તાપ પડશે.

કલેકટર કચેરીના ક્ધટ્રોલ મના જણાવ્‌યા મુજબ મહત્તમ તાપમાન 34.5 ડીગ્રી, લઘુતમ તાપમાન 16.6 ડીગ્રી, હવામાં ભેજ 55 ટકા, પવનની ગતિ 20 થી 25 કિ.મી.પ્રતિકલાક રહી હતી. જો કે હવે ધીરે-ધીરે ગરમી શ થશે એવું હવામાન ખાતાએ જણાવ્યું છે, જો કે હજુ મોડી રાત્રે ઠંડો પવન જોવા મળે છે. આજે સવારે પણ વાતાવરણમાં સારી એવી ઠંડક જોવા મળી હતી, જો કે બપોરના ભાગે આકરો તાપ રહે છે, પરંતુ સાંજના 6 વાગ્યા બાદ વાતાવરણ ખુશનુમા જેવું રહે છે.

છેલ્લા કેટલાક સમયથી અસહ્ય ગરમીથી લોકો કંટાળી ગયા હતાં, સામાન્ય રીતે ધુળેટીના તહેવારો બાદ ધીરે-ધીરે ગરમી વધે છે, પરંતુ આ વખતે હોળી પહેલા એક અઠવાડીયું સુર્યદેવતાના પ્રકોપથી લોકો કંટાળી ગયા હતાં. કાલાવડ, ખંભાળીયા, જામજોધપુર, ધ્રોલ, જોડીયા, લાલપુર, ભાણવડ જેવા તાલુકા મથકોએ પણ ઠંડી-ગરમીનું મિશ્ર વાતાવરણ જોવા મળ્યું છે.

ગુજરાતના અન્ય શહેરો કરતા જામનગર દરિયાકાંઠે હોય ભેજનું પ્રમાણ પણ વધે છે, એટલું જ નહીં ઠંડો પવન પણ અન્ય શહેરો કરતા વધારે જોવા મળે છે, આમ ધીરે-ધીરે મીશ્ર ઋતુની શઆત થઇ ચૂકી છે, તાવ, શરદી, ઉધરસ, ગળુ બેસી જવું જેવા રોગો ધીરે-ધીરે વઘ્યા છે તે પણ હકીકત છે. આગામી દિવસોમાં ફરીથી ગરમીનો દૌર શ થશે, પરંતુ હાલ તો બે-ત્રણ દિવસથી ગરમીમાં રાહત મળતાં લોકોએ હાંશકારો અનુભવ્યો છે.