પેરુવિયન મેક્સિમો નાપાએ ક્યારેય કલ્પના કરી ન હતી કે માછીમારીની સામાન્ય સફર તેને તેના મૃત્યુ તરફ દોરી જશે. તે પેસિફિક મહાસાગરમાં 95 દિવસ સુધી ભૂખ, તરસ અને એકલતા સામે લડીને જીવતો રહ્યો. નાપાએ 7 ડિસેમ્બરના રોજ પેરુના માર્કોનાથી માછીમારી કરવાનું શરૂ કર્યું. 10 દિવસ પછી, એક વાવાઝોડાએ બોટને ભટકાવી દીધી. જેને ગયા બુધવારે, ઇક્વાડોરની ફિશિંગ પેટ્રોલિંગ ટીમે તેને 680 માઇલ દૂર દરિયામાં બચાવી.

નાપાની તબીબી તપાસ પછી તેને હવે એક્વાડોરથી લિમા લઈ જવામાં આવશે, જ્યાં તેની માતા તેની રાહ જોઈ રહી છે. નાપાએ કહ્યું હું દરરોજ મારી માતા અને દીકરીઓને યાદ કરતો હતો. તેમના માટે મારે કોઈ પણ ભોગે જીવવાનું હતું.

હજારો માઈલ દૂર સમુદ્રમાં જયારે એકલા રહી ગયા અને તેનું રાશન સમાપ્ત થઈ ગયું, ત્યારે નાપાએ વંદા, પક્ષીઓ અને કાચબા પણ ખાધા. તરસ છીપાવવા માટે વરસાદી પાણી ભેગું કર્યું. 15 દિવસ તો એવા હતા જ્યારે તેની પાસે ખાવા માટે કંઈ નહોતું પણ તેણે હાર ન માની.