ગ્રામ પંચાયત ચૂંટણી ૨૦૨૫

June 10, 2025 10:40 AM

ઉમેદવારી ફોર્મ ભરવાની પ્રક્રિયામાં જામનગર જિલ્લામાં ઉમંગભેર પ્રતિસાદ

જિલ્લામાં સરપંચ પદ માટે ૭૩૭ અને સભ્ય પદ માટે ૩,૨૮૬ ઉમેદવારોએ ફોર્મ ભરી નામાંકન કર્યું

જામનગર જિલ્લામાં આગામી ૨૨ જૂન, ૨૦૨૫ ના રોજ યોજાનારી ગ્રામ પંચાયતોની સામાન્ય, વિભાજન, મધ્યસ્ય ચૂંટણીઓ તેમજ પેટા ચૂંટણીઓ માટેના ઉમેદવારી ફોર્મ ભરવાની પ્રક્રિયા સફળતાપૂર્વક પૂર્ણ થઈ છે. આ પ્રક્રિયામાં તાલુકાવાર નોંધપાત્ર ભાગીદારી જોવા મળી છે, જે સ્થાનિક સ્વરાજ્યની સંસ્થાઓ પ્રત્યે લોકોનો ઉત્સાહ દર્શાવે છે.

જિલ્લા ચૂંટણી તંત્ર દ્વારા તાજેતરમાં જાહેર કરાયેલા સત્તાવાર આંકડા મુજબ સામાન્ય, વિભાજન અને મધ્યસ્ય ચૂંટણીઓ માટે કુલ ૨૬૬ ગ્રામ પંચાયતોનો સમાવેશ થાય છે.જેમાં સરપંચ પદ માટે કુલ ૭૩૭ ફોર્મ ભરાયા હતા અને સભ્ય પદ માટે કુલ ૩,૩૦૪ ફોર્મ ભરાયા હતા. આ રીતે, સરપંચ પદ માટે ૭૩૭ અને સભ્ય પદ માટે ૩,૨૮૬ ઉમેદવારોએ સફળતાપૂર્વક તેમના ફોર્મ જમા કરાવ્યા છે.

ગ્રામ પંચાયતોની પેટા ચૂંટણીઓમાં કુલ ૬૦ ગ્રામ પંચાયતોનો સમાવેશ થાય છે,જેમાં સરપંચ પદ માટે ૧૯ ફોર્મ ભરાયા હતા અને સભ્ય પદ માટે ૨૫ ફોર્મ ભરાયા હતા. આના પરિણામ સ્વરૂપ, સરપંચ પદ માટે ૧૯ અને સભ્ય પદ માટે ૨૫ ઉમેદવારોએ તેમના નામાંકન પત્રો દાખલ કર્યા છે.

ઉમેદવારી ફોર્મ ભરવાની પ્રક્રિયામાં મળેલો આ જબરદસ્ત પ્રતિસાદ લોકશાહી ભાવના અને ગ્રામીણ વિકાસ તથા વહીવટમાં યોગદાન આપવા માટે સ્થાનિક લોકોના ઉત્સાહને દર્શાવે છે. હવે આગામી ૨૨ જૂન, ૨૦૨૫ ના રોજ ન્યાયી અને પારદર્શક ચૂંટણી પ્રક્રિયાની યોજાનાર છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

ગ્રામ પંચાયત ચૂંટણી ૨૦૨૫

Recent News

Gujarat's No. 1 evening newspaper