૧૩ આરોપીઓની અટકાયત

જામનગર શહેર તેમજ લાલપુરમાં પોલીસે ગઈ રાત્રે જુગાર અંગે જુદા જુદા ચાર સ્થળોએ દરોડા પાડ્યા હતા, અને ૧૩ આરોપીઓની અટકાયત કરી લઇ તેઓ પાસેથી રોકડ રકમ તેમજ જુગારનું સાહિત્ય કબજે કર્યું છે.

જામનગર શહેરમાં જુગાર અંગેનો પ્રથમ દરોડો શંકર ટેકરી રામનગરમાં પાડવામાં આવ્યો હતો. જયાંથી જાહેરમાં ગંજીપાના વડે હારજીતનો જુગાર રમી રહેલા ટમુભા બચુભા પરમાર, વિજય અમુભાઈ સોલંકી, અશોક વશરામભાઈ ડાભી, હિતેશ કાળુભાઈ સવાસળિયા, મેઘજીભાઈ ખોડાભાઈ ચોપડા, અને દિપક જીતુભાઈ નાખવા ની અટકાયત કરી લઇ તેઓ પાસેથી રૂપિયા ૧૦,૦૩૦ ની રોકડ રકમ અને જુગારનું સાહિત્ય કબજે કર્યું છે.

જુગાર અંગે નો બીજો દરોડો જામનગરમાં કોટવાળ ફળી વિસ્તારમાં પાડવામાં આવ્યો હતો. જયાંથી જાહેરમાં સ્ટ્રીટ લાઇટના અજવાળે ઘોડીપાસાનો જુગાર રમી રહેલા અજય લક્ષ્મણભાઈ પરમાર, રફીક રજાકભાઈ પટણી, અસગર ઈબ્રાહીમભાઇ કુરેશી, ઈમ્તિયાઝ અનવરભાઈ સોરઠીયા અને મક્સુદ હારુનભાઈ ચાકી ની અટકાયત કરી લઈ તેઓ પાસેથી રૂપિયા ૧૨,૨૮૦ ની રોકડ રકમ અને જુગારનું સાહિત્ય કબજે કર્યું છે.

જુગાર અંગેનો ત્રીજો દરોડો લાલપુરના ગોહિલવાસ વિસ્તારમાં પાડવામાં આવ્યો હતો. ત્યાથી જાહેરમાં વરલી મટકા ના આંકડા લખવા અંગે જયસુખ પાલાભાઈ ખરા નામના શખ્સને ઝડપી લીધો છે, અને તેની પાસેથી રોકડ રકમ તેમજ વરલી મટકા નું સાહિત્ય કર્યું છે.

આ ઉપરાંત લાલપુરમાં માર્કેટિંગ યાર્ડ પાસેથી જાહેરમાં વરલી મટકા ના આંકડા લખી રહેલા જગદીશ મગનભાઈ સુતરીયા ને પોલીસે ઝડપી લીધો છે, અને તેની પાસેથી પણ રોકડ રકમ અને વરલી મટકા નું સાહિત્ય કબજે કર્યું છે.