જામજોધપુર તાલુકાના મેવાસા આંબરડી ગામમાં રહેતા ભાવેશભાઈ નાનજીભાઈ ચૌહાણ નામના શખ્સ સામે આજથી અઢી વર્ષ પહેલાં જામજોધપુરના પોલીસ મથકમાં એક યુવતીના અપહરણ અંગેનો ગુનો નોંધાયો હતો, અને તે ગુનામાં ઉપરોક્ત આરોપી છેલ્લા અઢી વર્ષથી નાસ્તો ફરતો રહ્યો હતો.  દરમિયાન જામજોધપુર પીઆઇ એ.એસ. રબારીના માર્ગદર્શન હેઠળ સ્ટાફના કૃણાલભાઇ, દિલીપસિંહને ચોક્કસ બાતમી મળી હતી, કે આરોપી મેવાસા આંબરડી ગામે આવ્યો છે. જેથી વોચ ગોઠવી ભાવેશ ચૌહાણને ઝડપી લીધો હતો, અને તેની વધુ પૂછપરછ હાથ ધરવામાં આવી રહી છે. ભોગ બનનાર બાબતે વાલી વારસને જાણ કરીને સોપી આપેલ છે.