મીઠાપુરમાં આવેલા આરંભડા સીમ ખાતેથી પોલીસે શહેરમાં તીનપત્તી નામનો જુગાર રમી રહેલા ખેંગાર હમીર ચાનપા, પરબત કાના લધા, ઘેલા ખીમા ચાનપા અને જીવા મિયાઝર ચાનપા નામના ચાર શખ્સોને ઝડપી લઇ, કુલ રૂપિયા ૬,૮૯૦ નો મુદ્દામાલ કબજે કરી, જુગારધારાની કલમ હેઠળ ગુનો નોંધવામાં આવ્યો છે.
***
જામનગર-કાલાવડમાં બે વર્લીબાઝની અટકાયત
જામનગરના બેડીમાં રહેતા અબ્બાસ હાસમ ગંધા નામના શખ્સને પોસ્ટ ઓફીસ રોડ પર જાહેરમાં વર્લી મટકાનો જુગાર રમતા રોકડા ૧૧૨૦ અને એક ચિઠ્ઠી સાથે સીટી-એ પોલીસે દબોચી લીધો હતો.
જયારે કાલાવડના મેઇન બજાર ખાતે રહેતા પ્રવિણ ઉર્ફે પવલો મોહન અગ્રાવત નામના ઇસમને જાહેરમાં વર્લી મટકાનો જુગાર રમતા રોકડા ૩૬૫૦ અને આંકડા લખેલી ચિઠ્ઠી સાથે ટાઉન પોલીસે પકડી લીધો હતો.