જામનગરના દંપતિ સહિત ચારને ઇજા થયેલ : આરોપી ચાલકની શોધખોળ

જામનગર નજીક ફલ્લા બસ સ્ટેન્ડ સામે બે દિવસ પહેલા ટ્રકે કારને ઠોકર મારતા અંદર બેઠેલાઓને ઇજા પહોચી હતી, આ અકસ્માતમા ટ્રકચાલક સામે ફરીયાદ કરવામાં આવી હતી.
જામનગરના આશીર્વાદ એવન્યુ નં. ૧માં રહેતા મહેશ કુરજીભાઇ રંગાણી (ઉ.વ.૪૨)એ ગઇકાલે પંચ-એમાં ટ્રક નં. જીજ૦ે૩બીડબલ્યુ-૮૧૬૩ના ચાલક સામે ફરીયાદ નોંધાવી હતી.
તા. ૨૩ના રોજ ફરીયાદી મહેશભાઇ તથા તેમના પત્ની ભાવનાબેન, ભાઇ દિલીપભાઇ તથા તેમના પત્ની હર્ષાબેન, તેમજ પાડોશી હેતલબેન બધા ફરીયાદીની ફોરવ્હીલ ગાડી નં. જીજે૦૧-એચએકસ-૨૩૭૯ લઇને લતીપરથી જામનગર ઘર તરફ આવતા હતા.
તે વખતે ફલ્લા ગામ બસ સ્ટેન્ડ સામેના રોડ પર પહોચતા ઉપરોકત નંબરના ટ્રકના ચાલકે ઓવરટેક કરી સાઇડ કાપતા અને ટ્રકના ચાલકે પુરઝડપે ચલાવીને ફરીયાદીની ગાડીને પાછળથી ઠાઠાના ભાગે ઠોકર મારી હતી આ અકસ્માતમાં ફરીયાદીને હાથમાં ગંભીર ઇજા થઇ હતી.
ઉપરાંત ફરીયાદીના પત્નીને શરીરે છોલછાલ તથા હર્ષાબેનને શરીરે ઇજા અને હેતલબેનને છોલછાલ તથા આંખની નીચેના ભાગે ઇજાઓ પહોચાડી હતી. આ ફરીયાદના આધારે પોલીસે તપાસ આગળ ધપાવી છે.