રાજકોટના વિદ્યાનગર  મેઇન રોડ પર આવેલા એક ફર્નિચરના શો-રૂમની અગાસી પર આગ ભભૂકી ઉઠતા અફરાતફરી મચી ગઈ હતી. આગ લાગતા ધૂમાડા દૂર દૂર સુધી જોવા મળ્યા હતા. તેમજ ઘટનાસ્થળે લોકોના ટોળેટોળા ઉમટી પડ્યા હતા. ઘટનાની જાણ થતા જ ફાયરબ્રિગેડ અને પોલીસની ટીમ દોડી ગઈ હતી. ફાયરના જવાનોએ પાણીનો મારો ચલાવી આગ પર કાબૂ મેળવ્યો હતો. 

આગ પર કાબૂ મેળવાયો

પ્રાપ્ત વિગત મુજબ શહેરના વિદ્યાનગર મેઈન રોડ પર આવેલા એક ફર્નિચરના શો-રૂમની અગાસી પર આગ લાગી હતી. આથી બિલ્ડિંગમાં રહેલા લોકોમાં નાસભાગ મચી ગઈ હતી. જોકે, આ બનાવમાં કોઈ દુર્ઘટના ન સર્જાતા તંત્રએ પણ રાહતનો શ્વાસ લીધો છે.