ભીડભંજન મહાદેવ મંદિર પાસે ફરીથી શરૂ થયેલો

જામનગરમાં ભીડભંજન મહાદેવના મંદિર પાસે આવેલી ખુલ્લી જગ્યામાં કોઈ પણ પ્રકારની મંજૂરી વિના બાળકોની મનોરંજન રાઈડ સાથેનો મેળો શરૂ કરી દેવાયો હતો. જે અંગે ની માહિતી મળતાં એસ્ટેટ શાખાની ટુકડી દોડતી થઈ હતી, અને તાત્કાલિક અસરથી મેળો બંધ કરાવી દેવામાં આવ્યો છે.

ઉપરોક્ત સ્થળે છેલ્લા એકાદ માસથી નાની બાળકોની મનોરંજનની રાઈડ સાથેના મેળાનું ખાનગી પાર્ટી દ્વારા આયોજન કરી દેવામાં આવ્યું હતું, પરંતુ તેની મહાનગર પાલિકાની કચેરી માંથી ફાયર એન.ઓ.સી. લેવાઇ નથી, અથવા તો મેળો ચાલુ કરવા માટેનું પરફોર્મન્સ લાયસન્સ અથવા તો તેને લગતી કોઈ પ્રક્રિયાઓ કરવામાં આવી ન હોવાથી એસ્ટેટ શાખાની ટુકડીએ સૌપ્રથમ તાત્કાલિક અસરથી મેળો બંધ કરાવ્યો છે, અને મેળા ના સંચાલકોને તેના જરૂરી કાગળો રજૂ કરવા માટે જણાવ્યું છે.