શહેર અને જિલ્લામાં છેલ્લા ઘણા સમયથી રખડતા ઢોરનો ત્રાસ વધ્યો છે. જાહેર રોડ તેમજ ગલી ખાંચામાં રખડતા ઢોર લોકોને અડફેટે લઈ ગંભીર ઇજાઓ પહોંચાડી રહ્યા છે. કેટલીક ઘટનાઓમાં નિર્દોષ લોકોનો ભોગ પણ લેવાઈ રહ્યો છે. આવી જ એક ઘટના  ભાવનગર જિલ્લાના મહુવા તાલુકામાં બની હતી. જેમાં મહુવા તાલુકાના  નીચાકોટડા નજીકના દયાળ ગામે  રખડતા એક આખલાએ  વૃધ્ધાને  અડફેટે લઈ ગંભીર ઇજા પહોંચાડતા તેને સારવાર માટે ભાવનગરની સરટી હોસ્પિટલમાં ખસેડાયા હતા.
ભાવનગર જિલ્લાના  મહુવા તાલુકાના નીચા કોટડા નજીકના  દયાળ ગામે રહેતા  સવિતાબેન ગોવિંદભાઈ ચૌહાણ  ને ગામમાં  રખડતા આખલાએ અડફેટે લઈ ગંભીર ઇજાઓ પહોંચાડતા  તેમને તાત્કાલિક સારવાર માટે ભાવનગર સરટી હોસ્પિટલ ખસેડવામાં આવ્યા હતા.
 ઉલ્લેખનીય છે કે ભાવનગર શહેર અને જિલ્લામાં રખડતા ઢોરનો ત્રાસ અસહ્ય બન્યો છે, વારંવાર રખડતા ઢોરના કારણે નિર્દોષ લોકો ભોગ બની રહ્યા છે.ત્યારે સંબંધિત તંત્રવહકો દ્વારા રખડતા ઢોર અંગે યોગ્ય કાર્યવાહી થાય તેવી  ઉગ્ર માંગ કરવામાં આવી છે.