ખજૂરનું નામ સાંભળતા જ આપણા મનમાં સ્વાસ્થ્ય અને સ્વાદનો વિચાર આવે છે.  તે પોષક તત્વોથી ભરપૂર છે અને તેને ઉર્જાનો ઉત્તમ સ્ત્રોત માનવામાં આવે છે. શિયાળામાં શરીરને હૂંફ આપવાની હોય કે મીઠી વાનગી બનાવવાની હોય, ખજૂર દરેક જગ્યાએ ફિટ બેસે છે. પણ શું જાણો છો કે ખજૂર જેટલી ફાયદાકારક છે, તેના ઠળિયા પણ એટલા જ ફાયદાકારક હોય શકે? આપણામાંથી મોટાભાગના લોકો ખજૂર ખાધા પછી તેના ઠળિયા ફેંકી દે છે.

ખજૂરના ઠળિયા પોષક તત્વો અને ઔષધીય ગુણધર્મોથી ભરપૂર હોય છે, જેનો ઉપયોગ રોજિંદા જીવનમાં ઘણી રીતે કરી શકો છો. જાણો ખજૂરના ઠળિયાનો ઉપયોગ કેવી રીતે કરી શકાય અને તે આપણા સ્વસ્થ અને રોજિંદા જીવન માટે કેટલા ફાયદાકારક સાબિત થઈ શકે છે.

ખજૂરના ઠળિયાનો ઉપયોગ

1. પાવડર બનાવીને હેલ્ધી ડ્રિંક તરીકે પીવો

ખજૂરના ઠળિયાને સૂકવીને પાવડર બનાવી શકાય છે. આ પાવડરનો ઉપયોગ કોફી જેવા પીણાં બનાવવા માટે કરી શકાય છે. કેફીન-મુક્ત હોવા ઉપરાંત તે એન્ટીઑકિસડન્ટોથી પણ સમૃદ્ધ છે.

2. ત્વચા અને વાળની ​​સંભાળમાં

ખજૂરના ઠળિયાના પાવડરનો ઉપયોગ સ્ક્રબ તરીકે કરી શકાય છે. તે મૃત ત્વચાને દૂર કરે છે અને ત્વચાને ચમકદાર બનાવે છે. તેના તેલનો ઉપયોગ વાળને મજબૂત બનાવવા અને વાળ ખરતા અટકાવવા માટે કરી શકાય છે.

૩. પાચન માટે ફાયદાકારક

ખજૂરના ઠળિયામાં પુષ્કળ પ્રમાણમાં ફાઇબર હોય છે, જે પાચનતંત્રને સ્વસ્થ રાખવામાં મદદ કરે છે. તેને પાવડર સ્વરૂપે ખાવાથી કબજિયાત જેવી સમસ્યાઓમાં રાહત મળે છે.

4. છોડ માટે કુદરતી ખાતર

ખજૂરના ઠળિયાને સૂકવીને પીસીને કુદરતી ખાતર તરીકે ઉપયોગ કરી શકાય છે. તે જમીનની ગુણવત્તા સુધારે છે અને છોડને જરૂરી પોષક તત્વો પૂરા પાડે છે.

ખજૂરના ઠળિયાના ફાયદા

• એન્ટીઑકિસડન્ટોથી ભરપૂર: ખજૂરના બીજમાં શક્તિશાળી એન્ટીઑકિસડન્ટ હોય છે, જે શરીરને મુક્ત રેડિકલથી થતા નુકસાનથી બચાવે છે.

• બ્લડ સુગર નિયંત્રણ: તે બ્લડ સુગરને સંતુલિત કરવામાં મદદ કરે છે અને ડાયાબિટીસના દર્દીઓ માટે ફાયદાકારક હોય  શકે છે.

• રોગપ્રતિકારક શક્તિ વધારનાર: તેના સેવનથી રોગ પ્રતિકારક શક્તિ મજબૂત બને છે.

• હૃદયના સ્વાસ્થ્ય માટે સારું: ખજૂરના ઠળિયાનો પાવડર કોલેસ્ટ્રોલના સ્તરને નિયંત્રિત કરવામાં મદદ કરે છે, જેનાથી હૃદય રોગનું જોખમ ઓછું થાય છે.

ખજૂરનો પાવડર કેવી રીતે તૈયાર કરવો?

ખજૂરના ઠળિયાને સારી રીતે ધોઈ લો અને તડકામાં સૂકવી લો. સુકાઈ ગયા પછી તેને હળવા હાથે શેકી લો. જેથી તેનો ભેજ સંપૂર્ણપણે દૂર થઈ જાય. ઠંડા થયા પછી આ બીજને ગ્રાઇન્ડરમાં પીસીને પાવડર બનાવો. આ પાવડરને એરટાઈટ કન્ટેનરમાં સ્ટોર કરો.