ગર્લફ્રેન્ડએ ગોવામાં તેને ડમ્પ કરી દીધો એ દુ:ખ પરથી ફિલ્મ બનાવ્યાની ફરહાનની કેફિયત

ફરહાન અખ્તરે ખુલાસો કર્યો હતો કે તેની ગર્લફ્રેન્ડે તેને ગોવામાં ડમ્પ કરી  દીધો હતો. ફરહાને ફિલ્મ 'દિલ ચાહતા હૈ'માં સૈફના પાત્ર દ્વારા પોતાનું બ્રેકઅપ બતાવ્યું હતું.દિલ ચાહતા હૈ'ને ફરહાન અખ્તરના કરિયરની સર્વશ્રેષ્ઠ ફિલ્મોમાંથી એક ગણવામાં આવે છે. તેણે આ ફિલ્મ આમિર ખાન, અક્ષય ખન્ના અને સૈફ અલી ખાન સાથે બનાવી હતી. આ ફિલ્મ સુપરહિટ રહી હતી. ફરહાન અખ્તરે પોતે તાજેતરમાં આ વિશે જણાવ્યું હતું.ફરહાન અખ્તરે જણાવ્યું કે ગોવા ટ્રિપ દરમિયાન તેની ગર્લફ્રેન્ડ તેને છોડીને ગઈ હતી અને તેણે એકલા પાછા ફરવું પડ્યું હતું. આ તેમના જીવનની સૌથી લાંબી સફર હતી, જેનો અંત ન હતો. 'દિલ ચાહતા હૈ'માં સૈફના પાત્રની પ્રેરણા ફરહાનની આ વાર્તા પરથી લેવામાં આવી હતી.સુચિત્રા પિલ્લઈએ દિલ ચાહતા હૈમાં સૈફ અલી ખાનની ગર્લફ્રેન્ડની ભૂમિકા ભજવી હતી. ફરહાન અખ્તર તાજેતરમાં કુણાલ ખેમુના નિર્દેશનમાં બનેલી ફિલ્મ 'મડગાંવ એક્સપ્રેસ'નું પ્રમોશન કરી રહ્યો હતો. આ સમય દરમિયાન, એક ઇન્ટરવ્યુમાં, તેણે તેની ગર્લફ્રેન્ડની વાર્તા સંભળાવી, જેનો ઉપયોગ તેણે 'દિલ ચાહતા હૈ'માં કર્યો હતો.ફરહાન અખ્તરે કહ્યું, 'મારો સૌથી ભયાનક અનુભવ ગોવાના પ્રવાસ દરમિયાન હતો. તે સમયે હું જે છોકરીને ડેટ કરતો હતો તે મને ગોવામાં છોડી ગઇ . મારે એકલાએ જ પાછું ચલાવવું પડ્યું. તેથી જ્યારે હું પાછો આવ્યો ત્યારે તે મારા જીવનની એકમાત્ર એકલ સફર હતી. તે ખૂબ જ દુઃખદ ક્ષણ હતી. જ્યારે તમે કોઈની સાથે જાવ છો, ત્યારે તમને ખૂબ સારું લાગે છે કે હું અને મારી ગર્લફ્રેન્ડ રોડ ટ્રિપ પર છીએ, અને પછી અચાનક તમારે એકલા પાછા ફરવું પડશે.ફરહાન અખ્તરના તેની પ્રથમ પત્નીથી છૂટાછેડા અને બીજા લગ્ન ફરહાન અખ્તરે પાછળથી અધુના અખ્તર સાથે લગ્ન કર્યા, જે હેર સ્ટાઈલિશ છે. તેમને બે દીકરીઓ પણ છે. પરંતુ લગભગ 17 વર્ષ પછી તેમના છૂટાછેડા થઈ ગયા. આ પછી ફરહાન અખ્તરે વર્ષ 2022માં ગાયિકા શિબાની દાંડેકર સાથે લગ્ન કર્યા.