ધોરાજી નગરપાલિકાના પ્રમુખ સોનલ બારોટે પ્રમુખપદે નિયુક્ત થયાના 13 દિવસમાં જ રાજીનામું આપતા ભાજપમાં ખળભળાટ મચી ગયો છે. સોનલ બારોટ ચૂંટણી સમયે જ વિવાદમાં ઘેરાયા હતા. તેઓએ પારિવારીક કારણોસર રાજીનામું આપ્યાનું સામે આવ્યું છે. પ્રમુખ બન્યા ત્યારથી જ સોનલ બારોટ સોશિયલ મીડિયામાં ચર્ચામાં આવ્યા હતા.
જોકે, ધોરાજી નગરપાલિકાના નવા પ્રમુખ કોણ બનશે તેને લઈને પણ ચર્ચાઓ શરૂ થઈ ગઈ છે.

પીએમ મોદીને મુખ્યમંત્રી તરીકે સંબોધ્યા હતા
13 દિવસ પહેલા ધોરાજી નગરપાલિકાના નવા પ્રમુખ બનતા સોનલ બારોટની જીભ લપસી હતી અને તેઓએ પીએમ મોદીને મુખ્યમંત્રી તરીકે સંબોધ્યા હતા. સોનલ બારોટે દેશના PM મોદીને મુખ્યમંત્રી તરીકે સંબોધતા તેનો વીડિયો વાઇરલ થયો હતો. જોકે પાસે ઉભેલા લોકોએ ભૂલ સુધારી હતી. પરંતુ નગરપાલિકાના પ્રમુખ તરીકે વરણી કરવામાં આવી હોવા છતા પીએમ અને સીએમના પદ કે નામમાં તેઓ ભરાયા હતા.