ઠંડી અને તાજગી આપતી કાકડી ખાવામાં જ સ્વાદિષ્ટ નથી તેના સૌંદર્ય લાભો પણ છે.. ઉનાળામાં તે આપણા બધાના આહારનો એક મહત્વપૂર્ણ ભાગ બની જાય છે. તે શરીરને હાઇડ્રેટ રાખે છે અને ફાઇબરને કારણે તે વજન નિયંત્રણમાં પણ ખૂબ અસરકારક છે. એકંદરે, જો તમારી જાતને સ્વસ્થ અને સુંદર રાખવા માંગતા હોય તો કાકડી ભરપૂર માત્રામાં ખાઓ પરંતુ જો કાકડીના બ્યુટી બેનીફીટ ઇચ્છતા હોય તો તેને બ્યુટી રૂટીનનો એક ભાગ પણ બનાવી શકો છો. જાણો કેટલીક બ્યુટી ટિપ્સ જે આ ઉનાળામાં અજમાવી શકો છો. આ બ્યુટી ટિપ્સ નેચરલી સુંદર રહેવામાં મદદ કરશે.

આ ફેસ પેક મિનિટોમાં આપશે ચમકતી ત્વચા

જો તરત જ ચમકતી ત્વચા મેળવવા માંગતા હોય તો કાકડી આમાં ખૂબ મદદ કરી શકે છે. આ માટે એક કાકડી લો તેને મિક્સરમાં નાખો અને તેનું જ્યુસ કાઢો. આમાં ઠંડુ પાણી વાપરી શકો છો. હવે કાકડીનો રસ લો અને તેને કોટન પેડની મદદથી સ્વચ્છ ચહેરા પર લગાવો. તેમાં ગુલાબજળ, એલોવેરા જેલ અથવા લીંબુના થોડા ટીપાં પણ ઉમેરી શકો છો. આ કાકડીનો ફેસ પેક ત્વચાને હાઇડ્રેટ કરવામાં મદદ કરશે. કાકડી ત્વચાને ઊંડે સુધી સાફ કરશે અને છિદ્રોમાં પ્રવેશેલી ગંદકી, ધૂળ અને વધારાનું તેલ દૂર કરશે. જો થોડી જ મિનિટોમાં તાજી ગ્લોઈંગ સ્કિન ઇચ્છતા હોય તો આ હેક ચોક્કસ અજમાવો.

ઉનાળામાં ટેનિંગ અને સનબર્ન કેવી રીતે દૂર કરવા

ઉનાળામાં ગમે તેટલા પોતાને બચાવવાનો પ્રયાસ કરો સૂર્યના થોડા સંપર્કમાં રહેવાથી પણ ચહેરા પર ટેનિંગ અથવા સનબર્ન થઈ શકે છે. કાકડી આ સમસ્યામાં મદદ કરી શકે છે. આ માટે ફક્ત કાકડીનો રસ લેવાનો છે અને તેમાં લીંબુના થોડા ટીપાં ઉમેરો. આ ઘરેલું ઉપાય ચહેરાને ટેનિંગ અને સનબર્નથી તાત્કાલિક રાહત આપશે. તેને વધુ અસરકારક બનાવવા માટે કાકડી અથવા આ પેકને ઠંડુ થવા માટે રેફ્રિજરેટરમાં રાખી શકો છો. આ કૂલિંગ પેક ઉનાળામાં રીફ્રેશિંગ અને ફ્રેશ કોમ્પ્લેકશન આપવામાં મદદ કરશે.

ડાર્ક સર્કલ દૂર કરવા માટે

જો આંખો નીચે ડાર્ક સર્કલ વધી ગયા હોય અથવા આંખો સોજી ગઈ હોય તો કાકડીનો ઉપયોગ ખૂબ અસરકારક સાબિત થઈ શકે છે. આ માટે ફ્રીજમાં રાખેલી ઠંડી કાકડી લો અને તેના ટુકડા કાપી લો. હવે આ સ્લાઇસીસને થોડીવાર માટે આંખો પર રાખો અને આરામ કરો. જો દરરોજ 10 મિનિટ માટે આ નાની ટિપનું પાલન કરશો તો તે ડાર્ક સર્કલથી છુટકારો મેળવવામાં ઘણી મદદ કરશે. જ્યાં સુધી પફી આઈઝનો સવાલ છે ઓછામાં ઓછી 20 મિનિટ સુધી આ રીતે રહો, આનાથી તાત્કાલિક પરિણામો મળશે.

વાળ માટે પણ શ્રેષ્ઠ છે કાકડી

કાકડી વાળને હાઇડ્રેટેડ, નરમ અને રેશમી રાખવામાં પણ મદદ કરી શકે છે. આ માટે ફક્ત કાકડીનો રસ લો અને તેમાં મધ, એલોવેરા જેલ અથવા મુલતાની માટી ઉમેરીને હેર માસ્ક તૈયાર કરો. પસંદગી મુજબ આમાંથી કોઈપણ સામગ્રી ઉમેરી શકો છો. હવે આ પેકને વાળ પર થોડી વાર લગાવો અને પછી જાદુ જુઓ. વાળ એકદમ નરમ અને શાઈની દેખાવા લાગશે.