હવામાન ખાતાએ ફરીથી ઠંડી વધવાની આગાહી કરતા લોકોમાં ચિંતા: ગઇકાલે વાતાવરણમાં થોડી ઠંડક જોવા મળી: ગામડાના જનજીવન પર ભારે અસર

જામનગર સહિત સમગ્ર હાલારમાં ટાઢોડુ થઇ ગયું છે, છેલ્લા ત્રણ અઠવાડીયાથી ઠંડીએ જોર પકડયું છે, ગઇકાલ સાંજથી વાતાવરણમાં પલ્ટો આવ્યો હતો અને 14 કિ.મી.ની ઝડપે બર્ફીલો પવન ફુંકાતા હાલાર ઠંડુગાર બની ગયું છે. આજથી ત્રણેક દિવસ સુધી જામનગર સહિત સમગ્ર સૌરાષ્ટ્રના કેટલાક ગામોમાં હજુ પણ ઠંડીનો વાયરો ચાલી રહ્યો છે, લોકોના જનજીવન પર ભારે અસર પડી છે. સવારના ખાનગી અને એસ.ટી. બસોમાં મુસાફરોની સંખ્યા પણ ઘટી છે, 2025ના નવા વર્ષમાં કાલથી કાતીલ ઠંડી હજુ પણ લોકોને પરેશાન કરશે અને આજથી ત્રણ દિવસ સુધી કોલ્ડવેવની આગાહી કરવામાં આવી છે.

હવામાન ખાતુ જણાવે છે કે, શનિવારથી જામનગર સહિત રાજયમાં ત્રણ-ત્રણ દિવસ સુધી કોલ્ડવેવ રહેવાની પુરી શકયતા છે જેને કારણે તંત્રને પણ એલર્ટ રહેવાની સુચના આપી દેવામાં આવી છે, આવતીકાલથી શનિવારથી ફરીથી ત્રણ દિવસ માટે જામનગર સહિત સૌરાષ્ટ્રમાં કોલ્ડવેવની આગાહી કરવામાં આવી છે. ગામડાઓમાં ઠંડીને કારણે બજારો વ્હેલી બંધ થઇ જાય છે અને જામનગર શહેરમાં પણ ઠંડીની ભારે અસર જોવા મળી છે. ગઇકાલ સાંજથી કાલાવડ, ખંભાળીયા, જામજોધપુર, ધ્રોલ, જોડીયા, લાલપુર, ભાણવડ જેવા તાલુકા મથકોએ પણ ઠંડીનું જોર વધી રહ્યું છે,  જો કે આ વખતે ઠંડી એક મહીનો મોડી શ થઇ છે પણ હકીકત છે. લોકોએ સ્વેટર, મફલર, ટોપી સહારો લીધો છે અને ખાસ કરીને ઠંડીની અસરને કારણે શરદી, ઉધરસ, તાવના પણ કેસો વઘ્યા છે.

કલેકટર કચેરીના ક્ધટ્રોલ મના જણાવ્‌યા મુજબ લઘુતમ તાપમાન 14 ડીગ્રી, મહત્તમ તાપમાન 28 ડીગ્રી, હવામાં ભેજ 93 ટકા અને પવનની ગતિ 15 થી 20 કિ.મી. પ્રતિકલાક જોવા મળી છે. ગામડાઓમાં ઠંડીને કારણે બજારો વ્હેલી બંધ થઇ જાય છે તેમજ લોકો હવે શિયાળુ ખેતી તરફ વળ્યા છે, ગામડાઓમાં એસ.ટી. અને ખાનગી બસોમાં પણ મુસાફરોની સંખ્યા ઘટતી જાય છે. આગામી દિવસોમાં ઠંડીનો ચમકારો વધે તેવી પુરી શકયતા છે.

ગઇકાલે ભારે ઠંડીને કારણે જે રીતે ભીક્ષુકો હેરાન થયા હતાં તે જોતાં કેટલાક કાર્યકરોએ ભીડભંજન, ડીકેવી કોલેજ, સાતરસ્તા, પ્રદર્શન મેદાન ખાતે સુતેલા ભીક્ષુકોને ધાબળા અને શાલ અર્પણ કયર્િ હતાં, ગરમ ચીજવસ્તુઓનું વેંચાણ વધી ગયું છે તેવી જ રીતે મીઠાઇ બજારમાં સાલમ પાક, અડદીયા, કાટલાનું વેંચાણ સા એવું વઘ્યું છે, જો કે ગયા વર્ષ કરતા ભાવમાં 20 ટકાનો વધારો થયો છે. હાપા માર્કેટીંગ યાર્ડમાં વ્હેલી સવારે માલ વેંચવા આવતાં ખેડુતોને પણ ઠંડીને કારણે ભારે હાલાકીનો સામનો કરવો પડયો હતો અને ગામડાઓમાં પણ બજારો વ્હેલી બંધ થઇ ગઇ હતી.

ભારે શીત લહરને કારણે શહેર અને જિલ્લામાં કડકડતી ઠંડીથી પશુ-પંખીને પણ અસર થઇ છે, 20 કિ.મી.ની ઝડપે ઠંડો પવન ફુંકાઇ રહ્યો છે, ગામડાઓમાં પણ ઠેર-ઠેર તાપણા શ થયા છે. ઠંડીને કારણે જામનગરમાં કાવો, ચા, કોફી, ગાંઠીયા, ભજીયા સહિતની ચીજવસ્તુના વેંચાણમાં ભારે વધારો થયો છે. ખાસ કરીને શિયાળુ પાક માટે ખેતરમાં કામ કરતા મજુરોને પણ ઠંડીની અસર થઇ છે.