પોરબંદર અને રાણાવાવમાં અસામાજિક તત્વોને ત્યાં પોલીસ દ્વારા તપાસ હાથ ધરવામાં આવી હતી જેમાં ૨૧ ઈસમો કમલાબાગ પોલીસ મથકની હદમાં અને ત્રણ ઈસમો રાણાવાવ પોલીસ મથકની હદમાં હતા ત્યાં તેમના ઘરે તપાસ કરીને સવા ચાર લાખનો વીજ ચોરીનો દંડ ફટકારીને ત્રણના કનેક્શન કાપવામાં આવ્યા હતા.
પોરબંદરમાં તપાસ
ડી.જી.પી તરફથી અસામાજીક ગુંડા તત્વો વિ‚ધ્ધ કડક શિક્ષાત્મક કાર્યવાહી થાય તે માટે ૧૦૦ કલાકની અંદર કાર્યવાહી કરવા સુચના આપેલ હોય જે અન્વયે જુનાગઢ રેન્જના પોલીસ મહાનિરીક્ષક નિલેશ જાજડીયા તથા પોરબંદર પોલીસ અધિક્ષક ભગીરથસિંહ જાડેજા દ્વારા અસામાજીક ગુંડા તત્વો સામે સત્વરે કડક કાર્યવાહી કરવા યાદી તૈયાર કરાવી જે યાદી મુજબના તમામ અસામાજીક ગુંડા તત્વો ઉપર અસરકારક શિક્ષાત્મક કાર્યવાહી કરવા સુચના આપેલ હોય જે અન્વયેમદદનિશ પોલીસ અધિક્ષક સાહિત્યા વિ. ના માર્ગદર્શન હેઠળ કમલાબાગ પો.સ્ટે.ના પો.ઇન્સ. આર.સી.કાનમિયા પો.સબ.ઇન્સ જે.એલ.જાડેજા આર.ડી.નિનામા કે.જે.બલદાણીયા તથા કમલાબાગ પો.સ્ટેના પોલીસ સ્ટાફના માણસોની અલગ અલગ ટીમો બનાવી પી.જી.વી.સી.એલ વિભાગના સ્ટાફને સાથે રાખી લીસ્ટમાં જણાવેલ પોસ્ટે વિસ્તારના અસામાજીક ગુંડા તત્વો ઉપર ચેકીંગની કામગીરી હાથધરી  શિક્ષાત્મક કાર્યવાહી કરવામાં આવેલ છે.
કુલ ૨૧ અસામાજીક ગુંડા તત્વોને ત્યા ચેકીંગ દરમિયાન કુલ-૦૭ અસામાજીક ગુંડા તત્વોને ત્યા ગેરકાયદેસર વીજ કનેકશન ધ્યાને આવતા પી.જી.વી.સી.એલ ટીમ દ્વારા કુલ રૂ.૧,૭૫,૮૦૦/- નો વીજ દંડ કરવામાં આવેલ છે. તેમજ ૩ વીજ કનેકશન કટ કરવામાં આવેલ છે.
  રાણાવાવમાં તપાસ
રાણાવાવ પો.સ્ટે.ના પો.ઇન્સ. એન.એન.તળાવીયા તથા પો.સબ.ઇન્સ આર.વી.મોરી તથા રાણાવાવ પો.સ્ટેના પોલીસ સ્ટાફના માણસોની અલગ અલગ ટીમો બનાવી પી.જી.વી.સી.એલ તથા રેવન્યુ વિભાગના સ્ટાફને સાથે રાખી લીસ્ટમાં જણાવેલ પોલીસ સ્ટેશન વિસ્તારના અસામાજીક ગુંડા તત્વો ઉપર ચેકીંગની કામગીરી હાથધરી શિક્ષાત્મક કાર્યવાહી કરવામાં આવેલ છે કુલ ૩ અસામાજીક ગુંડા તત્વોને ત્યા ચેકીંગ ગેરકાયદેસર વીજ કનેકશન ધ્યાને આવતા પી.જી.વી.સી.એલ ટીમ દ્વારા કુલ ‚.૨,૫૫,૭૭૮/- નો વીજ દંડ કરવામાં આવેલ છે. તેમજ ત્રણેય વિ‚ધ્ધ વીજચોરી અંગે ગુન્હા દાખલ કરવામાં આવેલ છે.કુલ ૩ અસામાજીક ગુંડા તત્વોએ ગેરકાયદેસર બાંધકામ કે સરકારી જમીન ઉપર દબાણ કરેલછે કે કેમ? તે અંગે જરૂરી ખરાઈ કરી કાર્યવાહી કરવા માટે લગત કચેરીને રીપોર્ટ કરવામાં આવેલ છે.