પોરબંદરના બોખીરા વિસ્તારમાં આવેલ આવાસ ખાતે છતમાંથી પાણી ટપકતા હોવાના કારણે પંખો સળગ્યો હતો.
પોરબંદર શહેરના બોખીરા વિસ્તારમાં ગરીબ અને જરૂરિયાતમંદ લોકો માટે ૨૪૪૮ આવાસ બનાવવામાં આવ્યા હતા. આ આવાસ અત્યંત નબળી ગુણવત્તાવાળા બનતા હોવાની જે તે સમયે ફરિયાદ ઉઠવા પામી હતી છતાં પણ તંત્રએ દરકાર કરી ન હતી અને હાલમાં  અવારનવાર અનેક ફ્લેટના છતમાંથી પોપડા ખરે છે ત્યારે અધૂરામાં પૂરું હવે છતમાંથી પાણી ટપકતા હોવાને લીધે ઇલેક્ટ્રોનિક ઉપકરણોને પણ નુકસાન થાય છે. 
બ્લોક નંબર ૨ માં વિજયાબેન દેવમોરારીના સરકારી આવાસ યોજના ના ક્વાર્ટરમાં છતમાંથી પાણી ટપકતું હોવાથી તેનો પંખો સળગી ઊઠ્યો હતો સદનસીબે કોઈ જાનહાની થઈ ન હતી પરંતુ પંખાને નુકસાન થયું હતું આ પ્રકારની પરિસ્થિતિ અનેક ફ્લેટમાં જોવા મળી રહી છે ત્યારે તંત્ર વરસાદી પાણી ફ્લેટમાં ટપકતું બંધ કરવા માટે યોગ્ય કાર્યવાહી કરે તે ઇચ્છનીય છે.