તંત્ર દ્વારા અફવાનું ખંડન કરાયું

દેવભૂમિ દ્વારકા જિલ્લામાં બ્લેકઆઉટ કરવામાં આવશે તેવો મેસેજ હાલમાં સોશિયલ મીડિયામાં ફરી રહ્યો છે. જે અંગે જિલ્લા વહીવટી તંત્ર તરફથી ખુલાસો કરતા જણાવ્યું છે કે સોશિયલ મીડિયામાં આવતા મેસેજો એકદમ પાયા વિહોણા છે અને આવી કોઇ પણ પ્રકારની અફવાઓથી દૂર રહેવા અને નાગરિકોને ભયભીત ન થવા જિલ્લા વહીવટી તંત્ર દ્વારા જણાવવામાં આવ્યું છે.

આ ઉપરાંત કોઈપણ માહિતી સાચી છે કે નહીં તેની ખરાઇ ડિઝાસ્ટર દેવભૂમિ દ્વારકા મેનેજમેન્ટ સેલના હેલ્પલાઇન નંબર ૦૨૮૩૩ ૨૩૨૧૨૫, ૨૩૨૦૮૪, ૧૦૭૭ (ટોલ ફ્રી) તથા મો. ૭૮૫૯૯૨૩૮૪૪ પર સંપર્ક કરી લેવા જિલ્લાવાસીઓને જિલ્લા વહીવટી તંત્ર દ્વારા અનુરોધ કરવામાં આવ્યો છે.