મુરાદાબાદથી ભાજપના ઉમેદવાર સર્વેશ સિંહનું નિધન થયું છે. તેમણે દિલ્હી AIIMSમાં અંતિમ શ્વાસ લીધા. બીજેપી ઉમેદવારનું બિમારીના કારણે અવસાન થયું છે. સર્વેશ સિંહ 5 વખત ધારાસભ્ય અને એક વખત સાંસદ રહી ચૂક્યા છે, આ વખતે પણ તેમને ભાજપે ટિકિટ આપી છે. મુરાદાબાદથી ભાજપના ઉમેદવાર સર્વે સિંહનું લાંબી બીમારી બાદ નિધન થયું છે.

પ્રથમ તબક્કાના મતદાન બાદ સર્વેશ સિંહને દિલ્હીની એઈમ્સમાં દાખલ કરવામાં આવ્યા હતા, જ્યાં તેમનું અવસાન થયું હતું. તેઓ લાંબા સમયથી બીમાર હતા અને તેમના ફેફસામાં સંક્રમણ ફેલાઈ ગયો હતો. કહેવામાં આવી રહ્યું છે કે તેમને હાર્ટ એટેક આવ્યો હતો. મહત્વનું છે કે ગઈકાલે જ મુરાદાબાદ સીટ પર મતદાન થયું હતું.