કન્નડ અભિનેત્રી રાન્યા રાવની 3 માર્ચ, 2025ના રોજ બેંગલુરુ એરપોર્ટ પર સોનાની દાણચોરીના આરોપસર ધરપકડ કરવામાં આવી હતી. હવે આ મામલે નવા અપડેટ્સ આવ્યા છે. રાન્યા રાવે પોતે ડિરેક્ટોરેટ ઓફ રેવન્યુ ઇન્ટેલિજન્સ (DRI)ના અધિકારીઓ સમક્ષ સ્વીકાર્યું હતું કે, દુબઈથી બેંગલુરુ સોનાની દાણચોરી કરવાનો તેમનો પહેલો અનુભવ હતો. રાન્યાએ એ પણ ખુલાસો કર્યો કે, તેણે યુટ્યુબ વીડિયો જોઈને સોનાની લગડીઓ છૂપાવવાનું શીખી લીધું હતું.

રાન્યા રાવે વધુમાં જણાવ્યું કે, દાણચોરીના પ્રયાસના બે અઠવાડિયા પહેલા તેને અનેક અજાણ્યા નંબરો પરથી ફોન આવી રહ્યા હતા. રાન્યાએ કહ્યું કે, તેણે સોનું ક્યાં અને કેવી રીતે છૂપાવ્યું હતું. રાન્યાએ કહ્યું, સોનું પ્લાસ્ટિકથી ઢંકાયેલા બે પેકેટમાં હતું. મેં એરપોર્ટના બાથરૂમમાં સોનાની લગડી મારા શરીર પર ચોંટાડી હતી. મેં મારા જીન્સ અને શૂઝમાં સોનું છુપાવી દીધું હતું. મેં યુટ્યુબ વીડિયોમાંથી આ કરવાનું શીખી. આ પહેલીવાર હતું જ્યારે મેં દુબઈથી બેંગલુરુમાં સોનું દાણચોરી કરીને લાવ્યું હતું. મેં પહેલાં ક્યારેય દુબઈથી સોનું ખરીદ્યું નહોતું.

તમે દુબઈ એરપોર્ટ પર શું ખરીદ્યું?
રાન્યાએ જણાવ્યું કે, કેવી રીતે તે દુબઈ એરપોર્ટ પર બાથરૂમમાં ગઈ અને તેના શરીર પર સોનાના સળિયા લગાવ્યા. રાન્યાએ કહ્યું, મેં ટોઇલેટની અંદર મારા શરીર પર સોનાની લગડી બાંધતા પહેલા દુબઈ એરપોર્ટ પર ક્રેપ બેન્ડેજ અને કાતર ખરીદી હતી."

ઘણા દિવસોથી વિદેશી ફોન આવતા હતા
રાન્યાએ કહ્યું, મને 1 માર્ચે એક વિદેશી ફોન નંબર પરથી ફોન આવ્યો હતો. મને છેલ્લા બે અઠવાડિયાથી અજાણ્યા વિદેશી નંબરો પરથી ફોન આવી રહ્યા હતા. મને દુબઈ એરપોર્ટના ટર્મિનલ 3ના ગેટ A પર જવાનું કહેવામાં આવ્યું હતું. મને દુબઈ એરપોર્ટ પર સોનું લેવા અને બેંગલુરુમાં પહોંચાડવાનું કહેવામાં આવ્યું હતું.

મને ખબર નથી કે ફોન કોણે કર્યો
જોકે, રાન્યાએ એવો પણ દાવો કર્યો હતો કે, તે વ્યક્તિને ઓળખતી નથી જેણે તેનો સંપર્ક કર્યો હતો અને તેને આવું કરવા કહ્યું હતું. મને ખાતરી નથી કે મને કોણે ફોન કર્યો હતો, તેણીએ કહ્યું ફોન કરનારનો ઉચ્ચાર આફ્રિકન-અમેરિકન હતો. તે માણસ લગભગ છ ફૂટ ઊંચો અને ગોરો હતો.