અભિનેત્રી પ્રાજક્તા કોલીએ તાજેતરમાં જ લગ્ન કર્યા છે. તેના લગ્ન થયાને ઘણો સમય થયો નથી અને તે તેના પતિથી કંટાળી ગઈ છે. તેમણે એક વીડિયો શેર કર્યો છે.જેમાં તે બોટલ જ મોઢે માંડી વાઈન પી રહી છે. જો કે આ વિડીઓ ફની છે પરંતુ ફેન્સ આ વીડિઓ જોઈ ચર્ચા કરી રહ્યા છે કે શું લગ્નના આટલા જ દિવસોમાં પ્રાજક્તા કંટાળી ગઈ?

અભિનેત્રી અને સોશિયલ મીડિયા પ્રભાવક પ્રાજક્તા કોલી દરેક જગ્યાએ પોતાની છાપ છોડી જાય છે. પ્રાજક્તાએ તાજેતરમાં જ તેના લાંબા સમયના બોયફ્રેન્ડ વૃષાંક ખાનલ સાથે લગ્ન કર્યા છે. લગ્નના દોઢ મહિના પછી, પ્રાજક્તાએ સોશિયલ મીડિયા પર એક વીડિયો શેર કર્યો છે, જેને જોઈને લાગે છે કે તે તેના પતિથી નારાજ છે. પ્રાજક્તાનો આ વીડિયો વાયરલ થઈ રહ્યો છે.

પ્રાજક્તાના ચાહકોએ ચિંતા કરવાની જરૂર નથી, આ એક રમુજી વીડિયો છે. જેમાં તે બોટલમાંથી જ વાઇન પીતી જોવા મળે છે. પ્રાજક્તાના વીડિયો પર લખ્યું છે - જ્યારે તમે સૂર્યાસ્તના ફોટા માટે લગ્ન કર્યા અને હવે તમારે એક છોકરા સાથે રહેવું પડશે. વીડિયોમાં, પહેલા પ્રાજક્તા ગ્લાસમાં બે ઘૂંટ વાઇન રેડે છે અને વૃષાંકને આપે છે અને પછી તે પોતે બોટલમાંથી સીધો વાઇન પીવાનું શરૂ કરે છે.

પ્રાજક્તાની મસ્તી જોઈને ચાહકો પોતાને રોકી શક્યા નહીં અને તેઓ ઘણી બધી ટિપ્પણીઓ કરી રહ્યા છે. પ્રાજક્તા અને વૃષાંકના લગ્ન આ વર્ષે ફેબ્રુઆરીમાં થયા હતા. તેમના લગ્નના ફોટા અને વીડિયો વાયરલ થયા છે. લગ્નમાં મરાઠી અને નેપાળી બંને રીતરિવાજોનું પાલન કરવામાં આવ્યું હતું. બંને ઘણા સમયથી ડેટિંગ કરી રહ્યા હતા. વૃષાંક કોઈ ફિલ્મી પૃષ્ઠભૂમિનો નથી. પણ તે હંમેશા પ્રાજક્તા સાથે જોવા મળે છે