બે લાખ રકમનો દંડ ફરમાવતી જામનગર એડીશ્નલ ચીફ કોર્ટ

ફરીયાદી જામનગરમાં ગ્રેઈન માર્કેટ ટી.જી.ચેમ્બર્સમાં ઓફિસ ધરાવી નાણા-ધિરાણનું કામકાજ કરતાં હોય વાહન પર લોન આપતા હોય સદરહું કામના આરોપીએ પોતાની રીક્ષા પર ફરીયાદીની પેઢી ધાર્મી એન્ટરપ્રાઈઝમાંથી રૂા.૨,૦૦,૦૦૦ ની નિયમ મુજબ લોન મેળવેલ અને સદરહું લોન માસીક રૂા.૧૧,૦૦૦ ના હપ્તે થી ચુકવવાની હોય સદરહું વાહન પર હાઈપોથીકેશન કરાવેલ. ત્યારબાદ સદરહું કામના આરોપી લોનના નિયમ મુજબના હપ્તા ભરતા ન હોય અને હપ્તાની રકમ ચડી જતા આરોપી દ્વારા ચડેલ લોનની રકમ સંપૂર્ણ ભરપાઈ કરવા માટે ધાર્મી એન્ટરપ્રાઈઝના પ્રોપરાઈટર કૌશલ રામચંદ્ર પાબારીને પોતાના ખાતાના ચેકો આપેલ જે ચેક ફરીયાદી દ્વારા બેંકમાં રજુ કરતાં આરોપીઓ આપેલા ચેકો બાઉન્સ થતાં ફરીયાદી દ્વારા લીગલ નોટીસ આપી નેગો.ઈન્સ્ટ્રુ.એકટની કલમ-૧૩૮ મુજબની ફરીયાદ કરેલ.

જે ફરીયાદના કામે આરોપીને કોર્ટનો સમન્સ મળતા સદરહું કામે હાજર થયેલ અને  કોર્ટ દ્વારા સદરહું કેસ ચાલી જતા ફરીયાદીની જુબાની તથા ફરીયાદ પક્ષના પુરાવાઓને ધ્યાને લઈ આ કામના આરોપી નુરમામદભાઈ દાઉદભાઈ પરીઠ બે વર્ષની સાદી કેદ, તથા ચેક મુજબની રકમ રૂા.૨,૦૦,૦૦૦ નો દંડ કરી ફરીયાદીને ચુકવવાનો આદેશ જામનગરના એડી.ચીફ જયુડી.મેજી.આર.બી.ગોસાઈ દ્વારા સજાનો હુકમ કરવામાં આવેલ છે.

સદરહું કેસમાં ફરીયાદી તરફે જામનગરના એડવોકેટ અનિલ જી.મહેતા તથા તેની ટીમના એડવોકેટ  અર્જુનસિંહ સોઢા, આસી. ભરતભાઈ એ.વસરા રોકાયેલા છે.