હળવદના કોયબા ઢવાણા પાટીયા પાસે અવારનવાર અકસ્માત બનાવો સામે આવે છે જેમાં થોડાં સમય પહેલાં એસટી બસ પલટી જવાનો બનાવ સામે આવ્યો હતો ત્યારે આજે બપોરના સમયે કોયબાના પાટીયા પાસે  વિસામો હોટલ સામે રેન્જ રોવર કારે છોટાહાથીને અડફેટમાં લેતાં છોટાહાથીમા રહેલા માલસામાન વેરવિખેર થઈ ગયો હતો જોકે કોઈ પણ પ્રકારની જાનહાનિ સર્જાય નહોતી બનાવ સંદર્ભે હળવદ પોલીસ ઘટના સ્થળે પહોંચી હતી અને ટ્રાફિક હળવો કરી આગળની કાર્યવાહી હાથ ધરી હતી.
ધાગંધ્રા તરફ જતી કારને કોયબાના પાટીયા પાસે રેન્જ રોવર કારે છોટાહાથીને પાછળથી અડફેટમાં લેતાં તેમાં રહેલો માલસામાન નમકીન, ઠંડાપીણા સહિતની ચીજવસ્તુઓ રોડ પર રેલમછેલ જોવાં મળી હતી.જોકે બનાવમાં કોઈ પણ પ્રકારની જાનહાનિ સર્જાય નહોતી તો હળવદ પોલીસના કમલેશભાઈ દઢાણીયા તેમજ વિપુલભાઈ નાયક ઘટના સ્થળે પહોંચી ટ્રાફિક હળવો કરી આગળની કાર્યવાહી હાથ ધરી હતી.