જૂનાગઢ નવા બાયપાસ નજીક કાર ખાબકતા ખામધ્રોળના યુવકનું મોત થયું હતું. જૂનાગઢ નવા બાયપાસ નજીક ગઈકાલે સાંજે કેનાલમાં કાર ખાબકયાની ઘટના બની હતી.વંથલી નેશનલ હાઈવે પર વધાવી ગામ નજીક હરીયાણી ડેમમાં કાર ખાબકતા લોકોના ટોળેટોળા એકત્ર થયા હતા.ત્યારબાદ ફાયર વિભાગ,તાલુકા પોલીસ અને૧૦૮ ની ટીમ ઘટના સ્થળે પહોંચી તપાસ શ કરી હતી. પાણીમાં કાર ડૂબેલી જોવા મળતા ફાયર વિભાગની ટીમના રાજુભાઈ કોડીયાતર, પ્રદીપ, કનુભાઈ પરમાર, હરપાલ સિંહ, પિનાક ખેર એમ પાંચ ફાયર કર્મીઓ દ્રારા ડેમમાં કૂદી કારને બહાર કાઢવા જહેમત ઉઠાવી હતી. જેમાં ફાયર ઉપરાંત સ્થાનિક યુવકો પણ ડેમમાં કૂદી ગયા હતા.અને ક્રેનથી કારને દોરડા વચ્ચે બાંધી મહામહેનતે દોઢથી બે કલાકની જહેમત બાદ બહાર કાઢી હતી.અને કારની તલાસી લેતા તેમાંથી યુવકનો મૃતદેહ મળી આવ્યો હતો.પોલીસ દ્રારા કારમાં રહેલ યુવકની  તલાસી લેતા લાયસન્સ મળી આવ્યું હતું જેમાં મૃતક  ખામધ્રોળ વિસ્તારના ઈશ્વરદાસ વિષ્ણુભાઈ નિમાવત હોવાનું સામે આવ્યું હતું. પ્રાથમિક વિગતો મુજબ યુવક દવા કંપની સાથે સંકળાયેલો હતો. યુવકના મોત અંગે પ્રતિકભાઇ નિમાવતે પોલીસમાં જાહેર કયુ હતું.
યુવકની કાર કયા કારણોસર ડેમમાં ખાબકી તે અંગે તાલુકા પોલીસની ટીમ દ્રારા વધુ તપાસ કરવામાં આવી રહી છે.પોલીસ દ્રારા યુવકના મૃતદેહની પીએમ ની કાર્યવાહી કરવામાં આવી હતી તેમજ યુવાન મના મોતથી પરિવારજનોમાં પણ ગમગીની છવાઈ હતી