ખંભાળિયા તાલુકાના આથમણા બારા ગામે રહેતા શાંતુબા ભગીરથસિંહ અજીતસિંહ જાડેજા નામના 22 વર્ષના મહિલાએ રવિવાર તારીખ 28 મી ના રોજ બપોરના સમયે કોઈ અગમ્ય કારણોસર તેમના રહેણાંક મકાનમાં દુપટ્ટા વડે ગળાફાંસો ખાઈ લેતા તેમનો નિષ્પ્રાણ દેહ સાંપડ્યો હતો. આ બનાવ અંગે અજીતસિંહ કેસરજી જાડેજા (ઉ.વ. 50) એ સલાયા મરીન પોલીસને જાણ કરતા આગળની તપાસ ઇન્ચાર્જ પી.આઈ. વી.એન. સીંગરખીયા દ્વારા હાથ ધરવામાં આવી છે.

ઓખામાં નજીક બોટમાં યુવાનનું અપમૃત્યુ

ઓખા નજીક આવેલા આર.કે. બંદર વિસ્તારમાં મોનિકા નામની બોટમાં જીગ્નેશભાઈ સુમનભાઈ રાઠોડ નામના 32 વર્ષના માછીમાર યુવાન જમીને સુતા બાદ મોડી રાત્રીના સમયે તેમને હાર્ટ એટેક અથવા આંચકી આવી જતા તેમનું મૃત્યુ નીપજ્યું હોવા અંગેની જાણ શૈલેષભાઈ રામજીભાઈ ટંડેલે ઓખા મરીન પોલીસને કરી છે.