રાપરના 3 શખ્સની અટકાયત : એક ફરાર : પોણા બે લાખનો મુદામાલ કબ્જે

દ્વારકા પંથકમાં ગઢેચી ચાર રસ્તા પાસે બાતમીના આધારે છોટા હાથીના ચોરખાનામાંથી ઇંગ્લીશ દારૂની 101 બોટલ સાથે રાપરના 3 શખ્સોને મીઠાપુર પોલીસે કુલ પોણા બે લાખના મુદામાલ સાથે પકડી લીધા હતા.

રેન્જ આઇજી અશોકકુમાર યાદવ દ્વારા લોકસભાની ચુંટણી અનુસંધાને પ્રોહી, જુગારના ગુનાઓ શોકી કાઢવા સુચના કરેલ હોય, દ્વારકા પોલીસ અધિક્ષક નિતેશ પાંડેય દ્વારા પ્રોહી ડ્રઇવનું આયોજન કરવામાં આવેલ તથા નાયબ પોલીસ અધિક્ષક સાગર રાઠોડના માર્ગદર્શન હેઠળ પેટ્રોલીંગમાં હતા.

દરમ્યાન મીઠાપુરના ઇન્ચાર્જ પીએસઆઇ એન.એચ. જોશી દ્વારા નાઇટ પેટ્રોલીંગમાં વી.બી. વારોતરીયા, સુનિલભા માણેક અને નરસિંહભાઇ મેરને સંયુકત બાતમી મળેલ જેના આધારે ગઢેચી ગામના ચાર રસ્તા પાસે વાહન ચેકીંગ દરમ્યાન છોટા હાથી વાહનની સીટ નીચે ચોરખાનામાંથી ઇંગ્લીશ દારૂની અલગ અલગ બ્રાન્ડની 101 બોટલ મળી આવી હતી.

દારૂ, 3 મોબાઇલ, છોટા હાથી મળી 1.75.400નો મુદામાલ કબ્જે કરી સંજય ડાયા પરમાર, નાનજી બીજલ વાઘેલા અને દિનેશ અમરશી વાઘેલા રહે. બધા રાપર તાલુકાના નવાપરા ફળીયુંને પકડી લીધા હતા. તપાસ દરમ્યાન રાપરના ભીમાસર ગામના સુરેશ નથુ સલાણીનું નામ ખુલ્યુ હતું.