કુતિયાણા ગામે મોબાઇલ રીપેર કરવા આવેલા ગ્રાહકે જુના મોબાઇલની ચોરી કરી હતી પરંતુ સી.સી.ટી.વી.કેમેરામાં તે આબાદ કેદ થઇ ગયો હોવાથી પોલીસે તેને શોધી કાઢયો છે. રાણાવાવની મુખ્ય બજારમાં આવેલ મા‚તિ કોમ્પ્લેકસમાં રહેતા અને કુતિયાણાના કસ્ટમચોકમાં ક્રિષ્ના મોબાઇલ નામની મોબાઇલ રીપેરીંગ અને એસેસરીઝની દુકાન ધરાવતા જશારામ ધનારામ સૈની નામના મારવાડી યુવાને એવી પોલીસ ફરિયાદ નોંધાવી છે કે તા. ૧૧-૫ના તે મોબાઇલની તેની દુકાને હતા ત્યારે એક અજાણ્યો ગ્રાહક મોબાઇલ સમારકામ કરાવવા આવ્યો હતો અને સમારકામ થઇ જતા તે મોબાઇલ લઇને પરત ગયો હતો. તે દરમ્યાન જશારામે તપાસ કરતા સમારકામ માટે આવેલ એક જુનો ૫૦૦૦ ‚ા.નો મોબાઇલ દુકાનમાંથી ચોરાઇ ગયો હતો. શોધખોળ કરવા છતાં પત્તો મળ્યો ન હતો તેથી દુકાનના સી.સી.ટી.વી. કેમેરા ચેક કરતા મોબાઇલનું સમારકામ કરાવવા આવેલ ગ્રાહક ઉઠાવી ગયો હતો તેવું સ્પષ્ટ જણાયુ હતુ તેથી કુતિયાણા પોલીસમથક ખાતે આ અજાણ્યા શખ્શ સામે મોબાઇલ ચોરીનો જશારામે ગુન્હો નોંધાવ્યો છે.
કુતિયાણા પોલીસે ગુન્હો કર્યો ડિટેકટ
કુતિયાણાના પોલીસ કોન્સ્ટેબલ યશપાલસિંહવાળાને એવી બાતમી  મળી હતી કે મોબાઇલ ચોરનાર  ઇસમ કુતિયાણાના  બાયપાસ રોડ પર દેવાંગી સર્કલ પાસેથી પસાર થવાનો છે તેથી પોલીસે ત્યાં જઇને તપાસ કરતા ખાગેશ્રીના ટીંબીનેશમાં રહેતો મેરા જોધા કોડીયાતર નામનો ૨૦ વર્ષનો યુવાન ચોેરેલા મોબાઇલ સાથે મળી આવ્યો હતો. તેથી પોલીસે તેની પૂછપરછ કરતા મોબાઇલ ચોર્યાની કબુલાત કરી હતી. ચોરીનો ગુન્હો ડિટેકટ કરવાની આ કામગીરીમાં કુતિયાણા પોલી સ્ટેશનના પી.આઇ. વી.પી. પરમાર, હેડ કોન્સ્ટેબલ યશપાલસિંહ વાળા,પિયુષ ઓડેદરા, પોલીસ કોન્સ્ટેબલ અશ્ર્વિનભાઇ વ‚, અલ્તાબભાઇ સમા, ભરતભાઇ ગોજીયા, અક્ષયકુમાર ઝાલા, વિજયભાઇ ગાગીયા વગેરે રોકાયેલા હતા.