ઉનાળાની આકરા તાપ અને ગરમીમાં લોકો ઘરેથી બહાર નીકળવાનું પણ ટાળી રહ્યા છે. ત્યારે રાજકોટ સિવિલ હોસ્પિટલમાં દાખલ દર્દીઓને ગરમીમાં રાહત મળે તે માટે બિલ્ડિંગમાં આવેલા તમામ વોર્ડમાં એરકુલરની સુવિધા ઉભી કરવામાં આવી છે.

તાપમાનનો પારો ઉંચો ચડતા સ્વસ્થ લોકોને પણ લૂ લાગવા અને ડી-હાઇડ્રેશન સહિતની તકલીક ઉભી થઇ રહી છે. ત્યારે કાળઝાળ ઉનાળામાં હોસ્પિટલમાં સારવાર લઇ રહેલા દર્દીઓની સ્થિતિને ધ્યાનમાં રાખી વિવિધ હોસ્પિટલ દ્વારા ઓપીડી તેમજ જ્યાં એસીની સુવિધા ન હોય એ વિભાગમાં એરકુલર આપવા માગણી કરવામાં આવી હતી. જેને ધ્યાને લઇ પીઆઈયુ વિભાગ દ્વારા સરકારી મેડિકલ કોલેજ-સંલગ્ન હોસ્પિટલ. જી.એમઈઆરએસ હોસ્પિટલ, જિલ્લા હોસ્પિટલમાં જમ્બો એરકુલર મુકવામાં આવતા દર્દીઓને ઠંડક સાથે રાહત મળી રહી છે. જો કે આ ખર્ચ મેડિકલ ઓથોરિટી દ્વારા ચૂકવવાનો રહેશે તાંત્રિક સહાય પીઆઈયુ દવારા કરવામાં આવશે.