જામનગર તા. ૧૨ માર્ચ, આગામી 'હુતાસણી' અને 'ધુળેટી' ના તહેવારોમાં મોટી સંખ્યામાં લોકો ભાગ લે છે. આ તહેવારોને અનુલક્ષીને જામનગર જીલ્લામાં કાયદો- વ્યવસ્થાની પરિસ્થિતિ જળવાઈ રહે અને કોઈપણ અનિચ્છનિય બનાવ ન બને તેની તકેદારી રાખવા માટે અધિક જીલ્લા મેજીસ્ટ્રેટ બી.એન.ખેર દ્વારા જાહેરનામુ બહાર પાડવામાં આવ્યુ છે. 

જે મુજબ કોઈપણ વ્યક્તિની ઈચ્છા વિરુદ્ધ તેના પર રંગ છાંટવો નહી, કોઈની લાગણી દુભાય તેવા શબ્દો અથવા સૂત્રો પોકારવા કે બોલવા નહી, પત્રિકા, પ્લે કાર્ડ અથવા વિચિત્ર આકૃતિઓ કે વસ્તુઓ તૈયાર કરવી નહી કે તેનો ફેલાવો કરવો નહી. આવી તમામ પ્રવૃતિઓ કરવા પર પ્રતિબંધ લગાવવામાં આવ્યો છે. આ જાહેરનામું સમગ્ર જિલ્લામાં તા.૧૨-૦૩-૨૦૨૫ના સાંજે ૬:૦૦ કલાકથી આગામી તા.૧૪-૦૩-૨૦૨૫ના ૨૪:૦૦કલાક સુધી અમલમાં રહેશે.
​​​​​​​