સામાન્ય વહીવટ વિભાગમાં તાજેતરમાં મોટા પાયે ફેરફાર જોવા મળ્યો છે. વિભાગ દ્વારા જાહેર કરાયેલા આદેશ અનુસાર, સેક્શન અધિકારી, વર્ગ-2ના કુલ 14 અધિકારીઓની બદલી કરવામાં આવી છે. આ સાથે જ, નાયબ સેક્શન અધિકારી, વર્ગ-3ના 3 કર્મચારીઓને બઢતી આપીને સેક્શન અધિકારી, વર્ગ-2ના હોદ્દા પર નિયુક્ત કરવામાં આવ્યા છે.

આ બદલીઓ સચિવાલય સામાન્ય સંવર્ગમાં ફરજ બજાવતા અધિકારીઓના કિસ્સામાં કરવામાં આવી છે. વિવિધ વિભાગો અને કચેરીઓમાં ફરજ બજાવતા સેક્શન અધિકારીઓની તાત્કાલિક અસરથી બદલી કરીને તેમની સેવાઓ અન્ય વિભાગો અને કચેરીઓમાં સોંપવામાં આવી છે.

બઢતી પામેલા નાયબ સેક્શન અધિકારીઓ, જે વર્ગ-3માં (રૂ. 39,900-1,26,600/- પે મેટ્રિક્સ લેવલ-7)ના પગાર ધોરણમાં હતા, તેઓ હવે સેક્શન અધિકારી, વર્ગ-2 (રૂ. 44,900-1,42,400 પે મેટ્રિક્સ લેવલ-8)ના હોદ્દા પર કામ કરશે. આ બઢતી તદ્દન હંગામી ધોરણે આપવામાં આવી છે.

જૂઓ લીસ્ટ