શહેરમાં હાર્ટ અટેકથી મુત્યુના બનાવો રોજ બેરોજ બની રહ્યા છે. આજીડેમ નજીક અમુલ બસ સ્ટેન્ડના રેસ્ટ રૂમમાં સુતેલા કંડકટરનું બેભાન હાલતમાં જ મોત નીપજ્યું હતું. રાત્રે સુતા બાદ હ્દય રોગનો હુમલો આવી ગયો હતો.

પ્રાપ્ત વિગત મુજબ બનાસકાંઠાના દાતા તાલુકાના કાનગર ગામે રહેતાં અને અંબાજી એસટી ડેપોમાં કંડકટર તરીકે નોકરી કરતાં કનુભાઇ ધુડાભાઇ તરાલ (ઉ.વ.૪૯) બે દિવસ પહેલા રાત્રે અંબાજીથી રાજકોટ આવતી એસટી બસમાં આવ્‍યા હતાં. બાદમાં રાત્રીના આજીડેમ ચોકડી અમુલ સર્કલ નજીક આવેલા એસટી બસ સ્ટેન્ડના રેસ્ટ રૂમમાં આરામ કરવા રોકાયા હતાં. જ્યાં બેભાન થઇ જતાં સિવિલ હોસ્‍પિટલમાં ખસેડાયા હતાં. ફરજ પરના તબિબે મૃત જાહેર કરતા બનાવ અંગે હોસ્પિટલ ચોકીના સ્ટાફે આજીડેમ પોલીસને જાણ કરતા જરૂરી કાગળો કરી પરિવારજનોને જાણ કરી હતી. મૃત્‍યુ પામનાર કનુભાઇ ત્રણ બહેન અને છ ભાઇમાં નાના હતાં. સંતાનમાં એક પુત્ર અને એક પુત્રી છે. બનાવથી પરિવારમાં ગમગીની છવાઈ છે.