રાજકોટ જિલ્લાના પડધરી પોલીસ સ્ટેશનમાં નોંધાયેલા હનીટ્રેપના ગુનામાં નાસતો ફરતા શખસને પેરોલ ફર્લેા સ્કોવર્ડની ટીમે ઝડપી લીધો હતો.જયારે થોરાળા પોલીસ મથકમાં નોંધાયેલા જુગારના ગુનામાં ફરાર શખસને પણ ઝડપી લઇ કાયદેસરની કાર્યવાહી કરી હતી.
જાણવા મળતી વિગતો મુબજ,રાજકોટ પેરોલ ફર્લેા સ્કોવર્ડના પીઆઇ સી.એચ.જાદવની રાહબરી હેઠળ પીએસઆઇ જે.જી.તેરૈયા તથા ટીમ પેટ્રોલીંગમાં હતી દરમિયાન મળેલી બાતમીના આધારે ફરાર આરોપી કૃષ્ણકુમાર ઉર્ફે કિશન સીગાસનભાઇ કુસવાહ(ઉ.વ ૨૪ રહે. આનંદનગર મફતીયાપરા શેરી નં.૩ હનુમાનજી મંદિરની બાજુમાં પાણીના ટાંકા પાસે,આજીડેમ ચોકડી પાસે) ને ઝડપી લીધો હતો.પોલીસે જણાવ્યું હતું આરોપી સામે પડધરી પોલીસ સ્ટેશનમાં હનીટ્રેપનો ગુનો નોંધાયો હોય જે ગુનામાં તે નાસતો ફરતો હતો.
જયારે અન્ય કામગીરીમાં ટીમે થોરાળા પોલીસ મથકમાં નોંધાયેલા જુગારના ગુનામાં નાસતા ફરતા આરોપી સની જેસીંગભાઇ ધામેચા(ઉ.વ ૨૫ રહે. શિવાજીનગર શેરી નં.૭ ચુનારાવાડ ચોક,ભાવનગર રોડ) ને ઝડપી લઇ કાયદેસરની કાર્યવાહી કરી હતી.