ઉત્તરાખંડના ચમોલીમાં એક મોટી દુર્ઘટના બની છે. માના ગામમાં ગ્લેશિયર તૂટવાથી ભારે વિનાશ થયો છે, જેના કારણે ૫૭ મજુરો બરફ નીચે દટાઈ ગયા છે. આ અકસ્માતમાં 16 લોકોને બચાવી લેવામાં આવ્યા છે. બાકીના લોકોની શોધખોળ ચાલુ છે.

View this post on Instagram

A post shared by Aajkaal (@aajkaaldaily)

પ્રાપ્ત માહિતી મુજબ અકસ્માત સમયે એક ખાનગી કોન્ટ્રાક્ટરના કામદારો મોટી સંખ્યામાં ઘટનાસ્થળે કામ કરી રહ્યા હતા. તે બધા બીઆરઓ કોન્ટ્રાક્ટ હેઠળ કામ કરતા કોન્ટ્રાક્ટરના કામદારો હતા. ત્યારે અચાનક ગ્લેશિયર ધસી પડતા તેમાંથી કેટલાક ભાગી જવામાં સફળ રહ્યા, જ્યારે 57 કામદારો બરફમાં ફસાઈ ગયા.

છેલ્લા બે દિવસથી પર્વતોમાં હવામાન ખૂબ જ ખરાબ છે. ઉત્તરાખંડની સાથે, હિમાચલ પ્રદેશના ઘણા વિસ્તારોમાં પણ ભારે વરસાદ પડી રહ્યો છે. કેટલીક જગ્યાએ નદીઓ છલકાઈ રહી છે તો કેટલીક જગ્યાએ વાહનો નાળામાં તરતા જોવા મળી રહ્યા છે. ભારે વરસાદને કારણે હિમાચલ પ્રદેશના ઘણા વિસ્તારોમાં ભારે તબાહી મચી ગઈ છે. રાજ્યના કુલ્લુ જિલ્લામાંથી વિનાશના ચોંકાવનારા દ્રશ્યો સામે આવ્યા છે. વરસાદે અહીં એટલી તબાહી મચાવી છે કે નદીઓ અને નાળા છલકાઈ ગયા છે.

હિમાચલ પ્રદેશના કુલ્લુ અને મંડી જિલ્લામાંથી પણ વિનાશના દ્રશ્યો સામે આવ્યા છે. મંડી જિલ્લાના ઓટ વિસ્તારમાં ભૂસ્ખલન બાદ ચંદીગઢ-મનાલી રાષ્ટ્રીય ધોરીમાર્ગ બંધ કરી દેવામાં આવ્યો છે, જ્યારે કુલ્લુમાં, ગટરોમાં વરસાદી પાણી ભરાઈ જવાથી વાહનો તણાઈ ગયાનો કિસ્સો પ્રકાશમાં આવ્યો છે. હિમાચલ પ્રદેશના વિવિધ વિસ્તારોમાં હવામાનને ધ્યાનમાં રાખીને હવામાન વિભાગે ઓરેન્જ એલર્ટ જારી કર્યું છે.