માત્ર 30 ટકા મત મેળવીને 178 નેતા સાંસદ બની ગયા
દેશની ચૂંટણી પ્રણાલીની એ વિડંબના છે કે છેલ્લી સામાન્ય ચૂંટણી (લોકસભા - 2024)માં 542 બેઠકોમાંથી 178 બેઠકો પર કુલ મતદારોના માત્ર 30 ટકા મત મેળવનારા ઉમેદવારો સાંસદ બની ગયા. ચૂંટણી પંચ દ્વારા જાહેર કરવામાં આવેલા એકંદર ડેટાના વિશ્લેષણમાંથી આ હકીકત બહાર આવી છે. 2019ની સામાન્ય ચૂંટણીમાં આ સંખ્યા 125 હતી.
30 ટકા અથવા તેનાથી ઓછા મત મેળવનારા નેતાઓની સંખ્યા વધીને 178 થઈ ગઈ છે. અગાઉ વર્ષ 2019માં તે 125 હતો. 30 ટકા મત મેળવીને ચૂંટાયેલા નેતાઓમાં ભાજપ્ના 240માંથી 57 સાંસદો છે. કોંગ્રેસના 99માંથી 30 સાંસદો છે. સમાજવાદી પાર્ટીના 37માંથી 31 સાંસદ છે.
લોકસભા ચૂંટણીમાં ગુજરાતની 542 બેઠકોમાંથી 8 ભાજપ્ના નેતાઓ 10 ટકા અને 20 ટકા મતોથી જીત્યા હતા. તે જ સમયે, 170 નેતાઓ 20 ટકા અને 30 ટકા મતો સાથે જીત્યા હતા. 266 નેતાઓ 30 અને 40 ટકા મતોથી જીત્યા. જયારે 92 ટકા નેતાઓ 40 અને 50 ટકા મતો સાથે જીત્યા. માત્ર 6 સાંસદો એવા હતા જેઓ 50 ટકા મતોથી ચૂંટણી જીત્યા હતા. 30 ટકા કે તેથી ઓછા મત મેળવીને જીતેલા 178 ઉમેદવારોમાંથી 65 ઉત્તર પ્રદેશના હતા, ત્યારબાદ બિહાર (30) અને મહારાષ્ટ્ર (24) હતા.
ચૂંટણી પંચના જણાવ્યા અનુસાર, 2019માં 6,923ની સરખામણીમાં 2024માં 7,190 ઉમેદવારોની ડિપોઝીટ જપ્ત કરવામાં આવી હતી. કુલ 3,921 અપક્ષ ઉમેદવારોએ ચૂંટણી લડી હતી અને તેમાંથી માત્ર 7 જ જીત્યા હતા, જ્યારે 3,905 અપક્ષ ઉમેદવારોની ડિપોઝીટ જપ્ત થઈ હતી.