ઉનાળાની સિઝન આવે એટલે મસાલા માર્કેટ ધમધમે... ઘણી વખત મસાલાના વેપારીઓ મસાલામાં ભેળસેળ પણ કરતા હોય છે. ત્યારે મનપાના આરોગ્ય વિભાગના ચેકિંગ દરમિયાન લાતી પ્લોટમાં આવેલા નેન્સી ગૃહ ઉદ્યોગ નામથી હિંગનું ઉત્પાદન કરતી પેઢીને ત્યાં તપાસ કરવામાં આવતા અખાદ્ય જથ્થો મળી આવ્યો હતો. 110 કિલો હીંગનો અખાદ્ય જથ્થાનો આરોગ્ય વિભાગ દ્વારા સ્થળ પર નાશ કરવામાં આવ્યો હતો અને પેઢીને હાઈજીન જાળવવા, યોગ્ય સ્ટોરેજ જાળવવા અને લાયસન્સ બાબતે નોટીસ પણ ફટકારવામાં આવી હતી. આ સાથે જ મસાલાની સિઝનને લઈને ફૂડ વિભાગ દ્વારા મરચાં, જીરુ, રાઈ, ધાણા, હળદર સહિતના પણ નમૂના લેવામાં આવ્યા હતા.

રાજકોટ મહાનગરપાલિકાના ફૂડ વિભાગ દ્વારા લેવામાં આવેલ ખાધ્યપદાર્થના 02 નમૂના ફેઇલ (સબસ્ટાન્ડર્ડ) જાહેર થતાં નામદાર એજ્યુડિકેટિંગ ઓફિસર અને નિવાસી અધિક કલેક્ટર સમક્ષ કેસ ચાલી જતાં કુલ રૂ.70,000 દંડનો હુકમ કરવામાં આવ્યો છે.

મીઠા મુખવાસમાં કલરની ભેળસેળ
ફૂડ વિભાગ દ્વારા "અમૃત મુખવાસ", પરાબજાર મેઇન રોડ, રાજકોટ મુકામેથી "મીઠો મુખવાસ (1 કિગ્રા પેક્ડ)" નો નમુનો લેવામાં આવેલ. જે પુથ્થકરણ રિપોર્ટમાં સીન્થેટિક ફૂડ કલરનું પ્રમાણ ધારાધોરણ કરતાં વધુ હોવાથી નમૂનો "સબસ્ટાન્ડર્ડ" જાહેર થયેલ. જે અંગેના કેસમાં નામદાર એજ્યુડીકેટિંગ ઓફિસર અને નિવાસી અધિક કલેક્ટર રાજકોટ દ્વારા નમુનો આપનાર પેઢીના માલિક દિપેશ અમૃતલાલ નંદાને રૂ.35,000નો દંડનો હુકમ કરવામાં આવ્યો છે.

પાનચૂરી મુખવાસમાં સીન્થેટિક ફૂડ કલર મળ્યો
ફૂડ વિભાગ દ્વારા "અમૃત મુખવાસ", પરાબજાર મેઇન રોડ, રાજકોટ મુકામેથી "પાનચૂરી મુખવાસ (1 કિગ્રા પેક્ડ)" નો નમુનો લેવામાં આવેલ. જે પુથ્થકરણ રિપોર્ટમાં સીન્થેટિક ફૂડ કલરનું પ્રમાણ ધારાધોરણ કરતાં વધુ હોવાથી નમૂનો "સબસ્ટાન્ડર્ડ" જાહેર થયેલ. જે અંગેના કેસમાં નામદાર એજ્યુડીકેટિંગ ઓફિસર અને નિવાસી અધિક કલેક્ટર રાજકોટ દ્વારા નમુનો આપનાર પેઢીના માલિક દિપેશ અમૃતલાલ નંદાને રૂ.35,000નો દંડનો હુકમ કરવામાં આવ્યો છે.

સર્વેલન્સ ચેકિંગ દરમિયાન લાતી પ્લોટ 6/7, ગીતા પેટ્રોલ પંપ પાછળ, કુવાડવા રોડ, રાજકોટ મુકામે આવેલ "નેન્સી ગૃહ ઉદ્યોગ" નામથી હિંગનું ઉત્પાદન કરતી પેઢીની તપાસ કરતા સ્થળ પર અનહાઈજેનિક રીતે ખુલ્લામાં રાખેલ રો-મટિરિયલ તથા હિંગનો જથ્થો સંગ્રહ કરેલ જોવા મળેલ, સદરહુ અંદાજીત 110 કિ.ગ્રા. અખાદ્ય જથ્થો સ્થળ પર નાશ કરવામાં આવેલ. તેમજ પેઢીને હાઈજીનિક કન્ડિશન જાળવવા, યોગ્ય સ્ટોરેજ જાળવવા તથા લાયસન્સ બાબતે નોટીસ આપવામાં આવેલ. તેમજ સ્થળ પરથી ફૂડ સેફ્ટી સ્ટાન્ડર્ડ એક્ટ-2006 હેઠળ ત્રણ નમૂના લેવામાં આવેલ. 

આટલી જગ્યાએથી નમૂના લેવામાં આવ્યા

• 
  બાંધાની હિંગ (લુઝ) (ડાર્ક): સ્થળ- નેન્સી ગૃહ ઉદ્યોગ, લાતી પ્લોટ 6/7, ગીતા પેટ્રોલ પંપ પાછળ, કુવાડવા રોડ, રાજકોટ. 
• બાંધાની હિંગ (લુઝ) (લાઇટ): સ્થળ- નેન્સી ગૃહ ઉદ્યોગ, લાતી પ્લોટ 6/7, ગીતા પેટ્રોલ પંપ પાછળ, કુવાડવા રોડ, રાજકોટ.
• ANNATTO SEEDS (LOOSE): સ્થળ- નેન્સી ગૃહ ઉદ્યોગ, લાતી પ્લોટ 6/7, ગીતા પેટ્રોલ પંપ પાછળ, કુવાડવા રોડ, રાજકોટ. 
• મરચું પાઉડર (લુઝ): સ્થળ- મહાવીર મસાલા માર્કેટ (મંડપ), પ્લોટ નં.1, 1/A & 2/A, રામનગર 1 ના છેડે, PDM કોલેજ પાસે, ગોંડલ રોડ, રાજકોટ.
• હળદર પાઉડર (લુઝ): સ્થળ- મહાવીર મસાલા માર્કેટ (મંડપ), પ્લોટ નં.1, 1/A & 2/A, રામનગર 1 ના છેડે, PDM કોલેજ પાસે, ગોંડલ રોડ, રાજકોટ.
• હળદર આખી (લુઝ): સ્થળ- નવરંગ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ.
• જીરું (લુઝ): સ્થળ- નવરંગ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ.
• રાઈ (લુઝ) : સ્થળ- જય જલિયાણ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ.
• ધાણી (લુઝ): સ્થળ- જય જલિયાણ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ.
• રાય આખી (લુઝ): સ્થળ- ગિરિરાજ સિઝન સ્ટોર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ.
• મેથી આખી (લુઝ): સ્થળ- ગિરિરાજ સિઝન સ્ટોર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ
• જીરું (લુઝ): સ્થળ- ઉમિયા મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ
• હળદર આખી (લુઝ): સ્થળ- ઉમિયા મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ
• હળદર પાઉડર (લુઝ): સ્થળ- ખોડલ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ
• ધાણા પાઉડર (લુઝ): સ્થળ- ખોડલ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ
• રાઈ -આખી (લુઝ): સ્થળ- જલારામ મસાલા ભંડાર (મંડપ), શ્રી રામ મસાલા માર્કેટ, નાના મવા સર્કલ પાસે, રાજકોટ

ફૂડ વિભાગની ટીમ તથા FSW વાન સાથે શહેરના સ્પીડવેલ પાર્ટી પ્લોટ સામે, સ્વર્ણભૂમી કોમ્પ્લેક્ષ વિસ્તારમાં આવેલ ખાદ્યચીજોનું વેચાણ કરતાં કુલ 19 ધંધાર્થિઓની ચકાસણી હાથ ધરવામાં આવેલ. જેમાં 02 ધંધાર્થિઓને લાઇસન્સ બાબતે સૂચના આપવામાં આવેલ. તેમજ ખાધ્ય ચીજોના કુલ 19 નમૂનાની સ્થળ પર ચકાસણી કરેલ.

ચકાસણી કરેલ ધંધાર્થીઓની  વિગત

• દ્વારકાધીશ દાળપકવાન -લાઇસન્સ મેળવવા બાબતે સૂચના 
• પટેલ ગાંઠિયા -લાઇસન્સ મેળવવા બાબતે સૂચના આપવામાં આવેલ. 
• બેંગોલ સ્વીટ 
• જય કૈલાશ નમકીન 
• પ્રભુ કેક શોપ
• ક્રિષ્ના મેડિકલ 
• પટેલ સ્વીટ્સ 
• TGB કેફે & બેકરી 
• ક્રિષ્ના માવા કેન્ડી 
• અતુલ બેકરી 
• ઝેપોલી ફૂડ્ઝ 
• ક્રીમઝેન 
• નેચરલ આઇસ્ક્રીમ 
• દ્વારકાધીશ દાળપકવાન
• પટેલ ગાંઠિયા 
• મોવિયા આઇસ્ક્રીમ 
• ખુશ્બુ આઇસ્ક્રીમ 
• ચોકલેટ હાઉસ
• ક્રિષ્ના મદ્રાસ કાફે