જામનગર તાલુકાના જાબુંડા ગામના વતની અને ધ્રોળ નજીક સોયલ ગામની નદી પાસે મજૂરી કામ કરતા એક ભરવાડ યુવાને પોતાની માનસિક બીમારીથી તંગ આવી જઇ ઝેરી દવા પી લઇ આત્મહત્યા કરી લીધી છે.

આ બનાવની વિગત એવી છે કે જામનગર નજીક જાંબુડા ગામમાં રહેતો અને મજૂરી કામ કરતો મનોજ મોમલાભાઈ માટીયા નામનો ૨૯ વર્ષનો ભરવાડ યુવાન, કે જે છેલ્લા બે માસથી માનસિક સ્થિતિ ગુમાવી બેઠો હતો, અને તેની દવા ચાલુ હતી. પરંતુ સારું નહીં થતાં તેણે ધ્રોળ નજીક સોયલ નદી ના કાંઠે ઝેરી દવા પી લઇ આત્મહત્યાનો પ્રયાસ કરતાં તેને સારવાર માટે હોસ્પિટલમાં લઈ જવાય તે પહેલા જ તેનું મૃત્યુ નીપજ્યું હતું.

આ બનાવ અંગે મૃતકના નાના ભાઈ રામભાઈ મોમલાભાઈએ પોલીસને જાણ કરતાં ધ્રોલના પોલીસ હેડ કોન્સ્ટેબલ આર.કે મકવાણાએ મૃતદેહ નો કબ્જો સંભાળી તપાસ હાથ ધરી છે.