ચેકની બમણી રકમ ચૂકવવાનો હુકમ કરતી કોર્ટ

જામનગરની કોર્ટમાં રીયલ એસ્ટેટની દલાલી પેટે આપવામાં આવેલ ચેક રીર્ટનના કેસમાં બે વર્ષની સજા તથા ચેકની બમણી રકમ ચૂકવવાનું કોર્ટ દ્વારા હુકમ કરવામાં આવ્યો છે.

જામનગરના માતૃકૃપા પ્રોડકટસના પ્રોપરાઈટર, યશપાલસિંહ ઉદયસિંહ વાળા એ વિરૂમલ મોહનદાસ નંદાણી એકબીજા સાથે મકાનની લે-વેચનો ધંધો કરતા હોય અને એક બીજા સાથે પોતે જગ્યાની લેતી દેતી કરતા હોય, અને તે સબબ એક બીજા સાથે સારા સબંધો હોય જેથી ફરીયાદી વિમલ મોહનદાસ નંદાણીને દલાલી સબબના આરોપીએ ા. 7,25,000 અંકે ા. સાત લાખ, પચ્ચીસ હજાર પુરા ચુકવવાના થતા હોય, જેથી આરોપીએ પોતાની પેટી માતૃકૃપા પ્રોડકટસ નો ધી જામનગર કો-ઓપરેટીવ બેંક લી, દરેડ, જામનગર શાખા નો ચેક આપેલ હતો, અને ચેક આપતી વખતે એવી ખાત્રી વિશ્વાસ અને ભરોસો આપેલ કે ચેક બેંકમાં જમા કરાવતા તે ચેક ‘ફંડ ઇન્શફીશીયન્ટ’ ના શેરા સાથે પરત ફરેલ હતો, ત્યારબાદ ચેક મુજબ ની રકમ દિવસ-15 માં પરત ચુકવી આપે તે મુજબની ફરીયાદીએ પોતાના વકિલ મારફત નોટીસ મોકલાવેલ, જે નોટીસનો આરોપીએ કોઈ જવાબ આપેલ નહી અને તે ચેક મુજબ ની રકમની માંગણી કરવા છતા ચુકવેલ નહી, જેથી ફરીયાદીએ જામનગરની અદાલતમાં ધી નેગોશીયેબલ ઈન્સ્ટ્રુમેન્ટ એકટ તળે ફોજદારી ફરીયાદ દાખલ કરેલ હતી, અને તે કેસ જામનગરના 12 માં એડીશ્નલ ચીફ જયુડીશીયલ મેજીસ્ટ્રેટની કોર્ટ માં ચાલી જતા અને સમગ્ર પુરાવાનું મુલ્યાંનકન કરી ફરીયાદીના વકિલની તમામ દલીલો તથા ફરીયાદી તરફેના અલગ-અલગ હાઈકોર્ટના તથા સુપ્રિમકોર્ટના ચુકાદાઓ રજુ કરેલ જે ધ્યાને રાખી આરોપી માતૃકૃપા પ્રોડકટસ નાં પ્રોપરાઈટર, યશપાલસિંહ ઉદયસિંહ વાળા ને ધી નેગોશીયેબલ ઈન્સ્ટ્રુમેન્ટ એકટની કલમ-138 ના ગુન્હા સબબ ર (બે) વર્ષ ની સાદી કેદની સજા તથા આરોપીને વાદગ્રસ્ત ચેકની રકમ ા. 7,25,000 થી બમણો એટલે કે, ા. 14,50,000 ફરીયાદીને વળતર પેટે ચુકવવાનો હુકમ કરવામાં આવેલ છે અને આ વળતરની રકમ ફરીયાદીને આરોપી ચુકવવામાં કસુર કરે તો વધુ 6 (છ) માસની સાદી કેદની સજાનો હુકમ કરવામાં આવેલ છે.

ફરીયાદી વિરૂમલ મોહનદાસ નંદાણી તરફે યુવાન ધારાશાસ્ત્રી નીતલ એમ. ધ્રુવ, ડેનીશા એન. ધ્રુવ, પુજા એમ. ધ્રુવ, આશિષ પી. ફટાણીયા, ધ્વનિશ એમ. જોશી, અલ્ફાઝ એ. મુદ્દા, અશ્વિન એ. સોનગરા રોકાયેલ હતા.