રાજકોટ મહાનગરપાલિકાના સ્થાપના દિવસની ઉજવણીમાં આયોજિત બોલીવુડ મ્યુઝિકલ નાઇટમાં અણધારી ઘટનાઓ બની હતી. સ્ટેજની નજીક આવવા માટે લોકોમાં ભારે ઉત્સાહ જોવા મળ્યો હતો, જેના કારણે ભાગદોડ મચી ગઈ હતી. સ્થિતિને કાબૂમાં લેવા માટે પોલીસે લોકોને દૂર ખસેડવાનો પ્રયાસ કરતાં પોલીસ અને યુવક વચ્ચે ઝપાઝપી થઈ હતી.

આ કાર્યક્રમમાં લોકોની ભારે ભીડ જોવા મળી હતી. સ્ટેજની નજીક આવવા માટે લોકો એકબીજાને ઓળંગીને આગળ વધી રહ્યા હતા. જેના કારણે સ્થિતિ તંગ બની હતી. સ્ટેજની નજીક આવવા માટે લોકોમાં ભારે ઉત્સાહ હોવાથી પોલીસને લોકોને દૂર ખસેડવામાં ભારે મુશ્કેલી પડી હતી.

સિંગરે પણ લોકોને દૂર જવાની અપીલ કરી 

રાજકોટ મહાનગરપાલિકાના સ્થાપના દિવસની ઉજવણીમાં આયોજિત બોલીવુડ મ્યુઝિકલ નાઇટમાં અણધાર્યો હોબાળો સર્જાયો હતો. સ્ટેજની નજીક આવવા માટે લોકોની ભારે ભીડ જામી હતી. સ્થિતિને કાબૂમાં લેવા પોલીસે અને સિંગરે પણ લોકોને દૂર જવાની અપીલ કરી હતી, છતાં ભાગદોડ અને ઝપાઝપી થઈ હતી.

આ દરમિયાન પોલીસ અને એક યુવક વચ્ચે ઝપાઝપી થઈ હતી. યુવક સ્ટેજની નજીક જવા માંગતો હતો, પરંતુ પોલીસે તેને રોકવાનો પ્રયાસ કરતાં બંને વચ્ચે ધક્કામુક્કી થઈ હતી. આ ઘટનાને પગલે કાર્યક્રમમાં થોડી વાર માટે ગભરાટ ફેલાયો હતો.

બીજી તરફ કાર્યક્રમમાં લોકોની એન્ટ્રી બંધ કરવામાં આવી હતી. ફાયર બ્રિગેડની ગાડીને ગેટ આડી રાખીને લોકોની એન્ટ્રી બંધ કરવામાં આવી હતી. જેના કારણે કાર્યક્રમની અંદર જવા માટે લોકોમાં પડાપડી મચી ગઈ હતી.

આ ઘટનાને પગલે મનપાની આયોજન ક્ષમતા પર સવાલો ઉઠી રહ્યા છે. આટલી મોટી સંખ્યામાં લોકો આવશે તેની અપેક્ષા રાખીને શું આયોજન કરવામાં આવ્યું હતું? તેવા સવાલો ઉઠી રહ્યા છે.