આગામી તા. ર૩/ર૪ દરમ્યાન હોળી-ધૂળેટીનો તહેવાર નજીક આવી રહ્યો છે ત્યારે દર વર્ષની જેમ દ્વારકામાં માનવ મહેરામણ ઉમટી પડે છે. છેલ્લા અઠવાડીયાથી કૃષ્ણભક્તો પગપાળા કરીને દ્વારકા જઇ રહ્યા છે, રાજકોટથી દ્વારકા સુધી અનેક સામાજિક સેવાકીય સંસ્થાઓ દ્વારા વિવિધ કેમ્પનું આયોજન કરવામાં આવ્યું લોકોને દવા મળી રહે તે માટેની વ્યવસ્થા પણ છે, ઉપરાંત કેમ્પમાં સવાર, બપોર, સાંજ જમવાનું, લીંબુ પાણી, આઇસ્ક્રીમ, શરબત તથા અન્ય વ્યવસ્થા પણ રાખવામાં આવી છે. જય દ્વારકાધીશના નાદ સાથે નાના બાળકોથી મોટેરા સુધીના કૃષ્ણભક્તો કાળીયાઠાકોરને શીશ નમાવવા જઇ રહ્યા છે, હોળી-ધૂળેટીના દિવસે લગભગ ત્રણેક લાખ લોકો ભગવાન દ્વારકાધીશના ચરણોમાં વંદન કરશે.