પાકિસ્તાન દ્વારા યુદ્ધવિરામનું ઉલ્લંઘન કરવામાં આવતા, દ્વારકા જિલ્લા કલેક્ટર શ્રી રાજેશ તન્નાએ ફરીથી અગાઉ જાહેર કરેલા નિયમો યથાવત્ રાખ્યા છે. દ્વારકા શહેર સહિત અગાઉ જણાવેલા તમામ સ્થળોએ બ્લેકઆઉટ ચાલુ રાખવા માટે અનુરોધ કરવામાં આવ્યો છે.

જિલ્લા કલેક્ટરે સમગ્ર જિલ્લા અને દ્વારકામાં પ્રવર્તમાન પરિસ્થિતિને ધ્યાનમાં રાખીને નાગરિકોને સાવચેત રહેવા માટે અપીલ કરી છે. તેમણે જણાવ્યું છે કે જ્યાં સુધી નવી જાણકારી ઉપલબ્ધ ન થાય ત્યાં સુધી બ્લેકઆઉટ અને અગાઉ જાહેર કરવામાં આવેલી તમામ ગાઈડલાઈન યથાવત્ રહેશે. નાગરિકોને તંત્ર દ્વારા આપવામાં આવતી સૂચનાઓનું ચુસ્તપણે પાલન કરવા પણ જણાવાયું છે.