સોશિયલ મીડિયા પર હાલમાં એક વિડીયો ખૂબ વાયરલ થઈ રહ્યો છે, જેમાં એક પત્રકારને વિદ્યાર્થીઓના ઇન્ટરવ્યુ લેતા દર્શાવાયા છે. આ ઇન્ટરવ્યુ એ સમયનો છે જ્યારે વિધ્યાર્થીઓ વારસાગત કર અને સંપત્તિના વિતરણ અંગે ચાલી રહેલા વિવાદાસ્પદ મુદ્દાઓ સામે વિરોધ કરવા દિલ્હીમાં કોંગ્રેસના મુખ્યાલય તરફ કૂચ કરી રહ્યા હતા. આશ્ચર્યની વાત એ છે કે પત્રકારે પૂછેલા પ્રશ્નોના કોઈ પણ વિદ્યાર્થી નક્કર જવાબ આપી શક્યા ન હતા. રિપોર્ટ અનુસાર તમામ વિદ્યાર્થીઓ ગ્રેટર નોઈડાની ગલગોટિયાસ યુનિવર્સિટીના હતા.

જ્યારે તેને પૂછવામાં આવ્યું કે તેણે ગ્રેટર નોઈડાથી દિલ્હી સુધીની મુસાફરી શા માટે કરી છે, ત્યારે એક વિદ્યાર્થીએ જવાબ આપ્યો કે એક યુવા તરીકે, હું વિકસિત ભારત ઈચ્છું છું, પરંતુ વધુ વિસ્તૃત જવાબ આપવામાં તે પણ નિષ્ફળ ગયો. પત્રકાર આશુતોષે આ પ્રદર્શન પાછળના હેતુ વિશે પૂછપરછ કરી, નિર્દેશ કર્યો કે પ્લેકાર્ડ વારસા અને સંપત્તિની વહેંચણી અંગેની ચિંતાઓ સૂચવે છે. જો કે, વિદ્યાર્થી તેને લાગતો પણ સુસંગત પ્રતિસાદ આપી શક્યો ન હતો અને પત્રકારને અન્ય કોઈ સાથે વાત કરવા વિનંતી કરી હતી.

આ પછી, આશુતોષે અન્ય એક વિદ્યાર્થીને કોંગ્રેસના ચૂંટણી ઢંઢેરામાં સંપત્તિ વિતરણ અને વારસાગત કરના કથિત સંદર્ભો વિશે પ્રશ્ન કર્યો. જો કે, આ વિદ્યાર્થીએ મેનિફેસ્ટો વિશે જાણકારી ન હોવાનું પણ કબૂલ્યું હતું. આશુતોષે ઘણા વિદ્યાર્થીઓના ઇન્ટરવ્યુ લેવાનું ચાલુ રાખ્યું જો કે, કોઈ પણ સંતોષકારક જવાબો આપી શક્યું નહીં.

વીડિયો રિપોર્ટ અપલોડ થયાની થોડી જ મિનિટોમાં સોશિયલ મીડિયા પર વાયરલ થયા બાદ, અગ્રણી વ્યક્તિઓ સહિત નેટીઝન્સે વિદ્યાર્થીઓમાં શિક્ષણની સ્થિતિ અને જાગૃતિ અંગે ચિંતા વ્યક્ત કરી હતી. ઘણા લોકોએ વિદ્યાર્થીઓને ટ્રોલ કર્યા અને રાજકીય મુદ્દાઓને સમજવાના મહત્વ પર ભાર મૂક્યો છે, ઉપરાંત રાજકારણને કેમ્પસની બહાર રાખવાને લઈને ઘણી ચર્ચાઓ થઈ રહી છે, ત્યારે ખાનગી સંચાલિત ગલગોટીયાસ યુનિવર્સિટીના સત્તાવાળાઓએ રાજકીય પક્ષની હેડ ઓફિસ તરફ વિદ્યાર્થીઓ માટે વિરોધ કૂચની મંજૂરી અને આયોજન શા માટે કર્યું તે અંગે પણ પ્રશ્નો ઉભા થાય છે.