નેતન્યાહુની સરકાર વ્હાઇટ હાઉસના વિરોધ છતાં, રફાહ પર આક્રમણ કરવાની યોજના બનાવી રહી હોવાના અહેવાલ : 1 મિલિયનથી વધુ લોકો રફાહમાં લઈ રહ્યા છે આશ્રય

ઇઝરાયેલ યુ.એસ.ની ઇચ્છા વિરુદ્ધ દક્ષિણ ગાઝા શહેર રફાહ પર હુમલો શરૂ કરી શકે છે. આ ચિંતાને કારણે યુ.એસ.એ ગયા અઠવાડિયે ઇઝરાયેલને મોકલાતી બોમ્બની શિપમેન્ટ અટકાવી દીધી છે. એક વરિષ્ઠ અધિકારી જણાવ્યું હતું કે, આ શિપમેન્ટમાં 1,800 જેટલા 2,000-પાઉન્ડ (900-કિલોગ્રામ)ના  બોમ્બ અને 1,700 જેટલા 500-પાઉન્ડ (225-કિલોગ્રામ)ના  બોમ્બનો સમાવેશ થતો હતો. 

 અધિકારીના જણાવ્યા અનુસાર, તંત્રએ સંવેદનશીલ બાબત પર ધ્યાન કેન્દ્રિત કરીને ચર્ચા કરી હતી. મોટા વિસ્ફોટકો અને ગાઢ શહેરી માહોલમાં તેનો ઉપયોગ કેવી રીતે થઈ શકે તે અંગે વિચાર વિમર્શ કરી યુ.એસ.એ આ નિર્ણય લીધો હતો. ઑક્ટોબર 7 ના રોજ ઇઝરાયેલ પર આતંકવાદી જૂથના ઘાતક હુમલા પછી આવેલા હમાસ પર ઇઝરાયેલના યુદ્ધ વચ્ચે ગાઝાના અન્ય ભાગોને ખાલી કર્યા પછી 1 મિલિયનથી વધુ નાગરિકો રફાહમાં આશ્રય લઈ રહ્યા છે.

આ યુદ્ધ દરમિયાન યુ.એસ. એ ઐતિહાસિક રીતે ઇઝરાયેલ માટે મોટી માત્રામાં લશ્કરી સહાય પૂરી પાડી છે. એપ્રિલમાં બિડેનના વહીવટીતંત્રે સૈન્ય સહાયના ભાવિ સ્થાનાંતરણની સમીક્ષા કરવાનું શરૂ કર્યું કારણ કે નેતન્યાહુની સરકાર વ્હાઇટ હાઉસના વિરોધ છતાં, રફાહ પર આક્રમણ કરવાની યોજના બનાવી રહ્યું છે. અધિકારીએ જણાવ્યું હતું કે શિપમેન્ટને થોભાવવાનો નિર્ણય ગયા અઠવાડિયે લેવામાં આવ્યો હતો અને પછીની તારીખે શિપમેન્ટ સાથે આગળ વધવું કે કેમ તે અંગે હજુ સુધી કોઈ અંતિમ નિર્ણય લેવામાં આવ્યો નથી.

યુએસ અધિકારીઓએ અટકેલા ટ્રાન્સફર પર ટિપ્પણી કરવાનો ઘણા દિવસો સુધી ઇનકાર કર્યો હતો. ઇઝરાયેલી સૈનિકોએ મંગળવારે ગાઝાની મહત્વપૂર્ણ રફાહ સરહદ ક્રોસિંગ પર નિયંત્રણ મેળવ્યું હતું જેને વ્હાઇટ હાઉસે મર્યાદિત ઓપરેશન તરીકે વર્ણવ્યું છે. ઈઝરાયેલે શહેરમાંથી 100,000 પેલેસ્ટાઈનીઓને બહાર કાઢવાનો આદેશ આપ્યો છે. ઇઝરાયેલી દળોએ રફાહ ક્રોસિંગ પર કબજો કર્યો છે, જે ગાઝા-ઇજિપ્ત સરહદ પર માનવતાવાદી સહાયના પ્રવાહ માટે એક મહત્વપૂર્ણ માર્ગ છે.

ખાનગી રીતે, રફાહમાં શું થઈ રહ્યું છે તે અંગે વ્હાઇટ હાઉસની અંદર ચિંતા વધી છે, પરંતુ જાહેરમાં વહીવટી અધિકારીઓએ ભાર મૂક્યો છે કે તેઓને લાગતું નથી કે શહેરમાં વ્યાપક કામગીરી સામે બિડેનની ચેતવણીઓને અવગણવામાં આવી હોય. વ્હાઇટ હાઉસની રાષ્ટ્રીય સુરક્ષા પરિષદના પ્રવક્તા જ્હોન કિર્બીએ જણાવ્યું હતું કે ઇઝરાયલે પૂર્વ રફાહમાં ગાઝા-ઇજિપ્ત સરહદ પરની કાર્યવાહીને હમાસના શસ્ત્રોની દાણચોરીને રોકવાના હેતુથી થઈ હોવાનું જણાવ્યું હતું, પરંતુ એમ પણ કહ્યું હતું કે યુ.એસ. લડાઈ પર નજર રાખશે.

ગયા મહિને જ, કોંગ્રેસે 95 બિલિયન ડોલરનું રાષ્ટ્રીય સુરક્ષા બિલ પસાર કર્યું હતું જેમાં યુક્રેન, ઇઝરાયેલ અને અન્ય સહયોગીઓ માટે ભંડોળનો સમાવેશ થાય છે. પેકેજમાં ઇઝરાયેલ માટે 14 બિલિયન ડોલરથી વધુની સૈન્ય સહાયનો સમાવેશ થાય છે, સ્ટેટ ડિપાર્ટમેન્ટ અલગથી વિચારી રહ્યું છે કે જોઈન્ટ ડાયરેક્ટ એટેક મ્યુનિશન કિટ્સના સતત ટ્રાન્સફરને મંજૂરી આપવી કે નહિ. યુ.એસ.-ઇઝરાયેલ સંબંધો ડેમોક્રેટિક અને રિપબ્લિકન બંને વહીવટ દ્વારા ગાઢ રહ્યા છે.