દિલ્હીના કિરારી વિસ્તારમાં રહેતા વિનોદ કુમાર ચૌધરીએ અસાધારણ કામ કરીને એક નવો રેકોર્ડ બનાવ્યો છે, જેમણે ટાઇપિંગમાં નિપુણતા હાંસલ કરી છે, તેણે ગીનીસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. તેણે 19મી વખત નાક વડે ટાઈપ કરીને ગીનીસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. વિનોદે માત્ર 25.66 સેકન્ડમાં એ થી ઝેડ સુધીના તમામ 26 અક્ષરો ટાઈપ કરીને પોતાનો જ રેકોર્ડ તોડ્યો છે.

વિનોદે ફરી એકવાર ટાઇપિંગમાં નિપુણતા હાંસલ કરીને ગીનીસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. પોતાની પ્રતિભાથી તેણે 19મી વખત ગીનીસ બુક ઓફ વર્લ્ડ રેકોર્ડમાં પોતાનું નામ નોંધાવ્યું છે. આ રેકોર્ડ હાંસલ કરવા માટે, વિનોદે એ થી ઝેડ સુધીના તમામ 26 અક્ષરો માત્ર 25.66 સેકન્ડમાં ટાઈપ કર્યા, જેમાં દરેક અક્ષર વચ્ચેની સ્પેસ પણ સામેલ છે. આ પહેલા તેણે 2023માં 26.73ના સમય સાથે આ રેકોર્ડ બનાવ્યો હતો.

વિનોદ ચૌધરીના નામે 19 ગિનિસ વર્લ્ડ રેકોર્ડ છે, જેમાંથી ફક્ત 17 ટાઇપિંગ માટે જ છે. 17 રેકોર્ડ્સમાં, વિનોદે નાક દ્વારા ઝડપથી ટાઇપ કરવા, આંખ પર પટ્ટી બાંધીને અને માઉથ સ્ટિકથી ટાઇપ કરવા માટે રેકોર્ડ બુકમાં સ્થાન બનાવ્યું છે. વિનોદ કીબોર્ડ પર પોતાના નાક વડે રોમન મૂળાક્ષરો ટાઈપ કરનાર સૌથી ઝડપી વ્યક્તિ બની ગયા છે. વિનોદ ચૌધરીએ વર્ષ 2014માં પહેલો રેકોર્ડ બનાવ્યો હતો. આટલું જ નહીં તેણે પોતાના જ ઘણા રેકોર્ડ તોડીને નવા રેકોર્ડ પોતાના નામે કર્યા છે.

પોતાનો જ રેકોર્ડ તોડ્યા બાદ વિનોદ ચૌધરીએ કહ્યું, 'મારી સફળતાનું રહસ્ય એ છે કે દરરોજ ધ્યાન કરવું અને હંમેશા હકારાત્મક વિચારો કરવા. ટાઈપિંગ એ મારો વ્યવસાય જ નહીં પણ મારો શોખ પણ છે, તેથી મેં મારા પેશન અને આજીવિકા બંનેને જોડીને રેકોર્ડ બનાવવાનું વિચાર્યું. વિનોદ ચૌધરી હવે તેના આગામી લક્ષ્ય તરફ આગળ વધી રહ્યા છે.